काेलाभरी डिया प्याराेडी म्ये छ्वयला बजि छ्वयला बजि म्ये हालातःम्ह विनाेद मानन्धरया अाेर्जिनल म्ये थाय् छकू खालि दनि सार्वजनिक जुल । थाैं सिबें २० २५ बर्ष न्ह्य हालातःगु थुगु म्येयात हाकनं छक्व री एरेन्जयाना रेकर्ड याःगु खः । अमृत मान शाक्यया च्वसाय् सुरेन मान शाक्यया संगीतय् अले हरिशरणा साय्मिया एरेन्जय् तयार जूगु खःसा थुगु म्येयात बिनाेद मानन्धरं हे निर्देशन याःगु खः ।
म्येहालामि विनोद मानन्धरया अबुजु चन्द्रमान मानन्धरया सभानायःसुइ न्ह्याःगु उगु ज्याझ्वः सुरेन्द्र मानन्धरं न्ह्याकादीगु खःसा म्येहालमि विनोद मानन्धरं लसकुस न्वचु व म्येच्वमि अमृतरत्न शाक्यं सुभाय देछानादीगु खः।
ज्याझ्वलय् पाहाँकथं वरिष्ठ सिनेपत्रकार बिजयरत्न असंबरे, संगीतकार अनिल शाही व पेजथ्री बाःछिपाैया सम्पादक दर्शनवीर शाक्ययात ब्वनातःगु खः । म्युजिक भिडियाेया उलेज्या विजयरत्न असंबरें यानादीगु खः ।
