शर्ट फिल्म सदय मगन इन्टरटेन्मेन्टया युट्युब च्यानलय् रिलिज जूगु दु । नेपालभासाया चीहाः संकिपा कासा ११३९य् ल्यू लाःगु संकिपा म्यूजीयमया निर्देशक रजीन महर्जनया हे निर्देशनय् तयार जूगु थुगु शर्ट मूभीइ लक्ष्मीकुमार महर्जन व रजीन महर्जनया मू भुमिका दु । लिसें थुकी सोफिला कार्कि व रिशिका महर्जननं दु ।
सामाजय् झीत घात याइपिं झी हे म्हस्युपिं जुइ धैगु थीमय् थुगु शर्ट मूभी दयेकातःगु दु । प्याखँया सिनेमेटोग्राफि तसकं हे मनमोहक जू लिसें अभिनयनं तसकं हे स्वभाविक व जीवन्त खनेदु । छगू न्ह्यइपुगु थ्रिलर सन्देशमुलक प्याखँ तयार जूगु दु ।
