नेपालभाषाया संगीत एवं कला क्षेत्रय् अतिकं लोकंह्वाःम्ह कलाकार मानकृष्ण वा वायात ग्वाहलि यायेगु ताःतुना नेपाल भाषाया संकिपा ‘लुँयागु तक्मा’या शुभमुहर्त जुल । ताः ई निसें इलय् ब्यलय् उसाँय् मभिनाच्वंम्ह कलाकार मानकृ्ष्ण नेपालभासाया टेलिसिरियल ख्वताबजि सिरियलं लोकंह्वाःगु पहिचान दयेकेत ताःलाम्ह कलाकार खः । ख्वताबजिइ देपां बिइला … डायलग पाखें लोकंह्वाःम्ह थुम्ह कलाकार खः ।
ख्वताबजि सिरियलया हे निर्देशक सुरेन्द्र तुलाधरया लेखन व निर्देशनय् दयेकेत्यंगु थुगु प्याखँ गोपालकाजी कायस्थ निर्माता जुयादी। प्याखँया कार्यकारी निर्माताया रुपय् रुमन जोशी व छायांकनय् देवेन्द्र महर्जन दु । सामाजय् मस्त ब्वलंकेगु बिषयलय् प्याखँया बिषय बस्तु दयेकातःगु सुरेन्द्र तुलाधरं धयादिल ।
प्याखनय् मानकृष्ण वावा, सुरज व्यञ्जनकार, भोगेन्द्र मानन्धर, रोजिना सुवाल, रञ्जना सितिखु लिसें रिजन महर्जन व हसना महर्जनया नं मू भुमिका दु ।
थ्यंमथ्यं ५० लाखया बजेट दुगु थुगु प्याखँ वरिष्ठ कलाकार मदनकृष्ण श्रेष्ठ व नीर शाहया उपस्थीतिइ जूगु खः ।
