बलिउड अभिनेता सुशान्त सिं राजपूतया मृत्यु प्रकरणय् न्हिंन्हिं हे न्हून्हूगु रहस्यमय खँ पिदनाच्वंगु दु । सुं नं मनुखं सुशान्त सिं राजपुतया मृत्यु छगू सामान्य मृत्यु कथं कायेत तयार जुयाच्वंगु मदु । सुशान्त सिंया मृत्यु आत्महत्या खः की हत्या धयागु तर्क वितर्क जुयाच्वंगु इलय् आः वया भिवोर आनन्द नां याम्ह मनुखं १३ जून खुन्हु सुशान्त सिंया हत्याया लाइभ प्रशारण डार्क नेटय् जूगु सनसनिखेज समाचार पितहःगु दु । सुशान्तया मृत्यु प्रकरणय् तःकथंया खँ वयाच्वंगु दु । नेपोतिज्म, लागू वासः, षडयन्त्र, हार्डडिस्कया डाटा इत्यादी तर थुगु खँत गननं सुशान्तया मृत्यु प्रकरणयात छगू आत्महत्याया एंगलं जस्टीफाइ मयाः । तर भिवोर आनन्दया सुशान्तया हत्या जूगु धकाः थौं कन्हेया ट्वीट व युट्युब अन्तरवार्तां धाःसा सकसितं हे स्तब्ध याना ब्यूगु दु ।
हलिउडया छगू संकिपा दु, होस्टेल । थुुगु प्याँखनय् मनूतय्त स्याइगुया लाइभ प्रशारण याइगु खः । सिम्ह मनू गुकथं सास्ति नयाः सिइ धकाः सकस्यां स्वयाच्वनी । सुशान्तयात नं थथे हे लाइभ प्रशारण याना स्याःगु व थुगु लाइभ यक्व हे बलिउड कलाकारपिंसं स्वःगु दु धकाः भिवारं धाःगु दु ।
डार्क वेभ झीसं चलेयायेगु इन्टरनेटया हे छगू ब्व खः । थज्योगु डार्क वेभ झीगु सामान्य ब्राउजर वा इन्टरनेटपाखें जुइमखु । थुकी छुं यायेत न्हापां थः इन्टरनेट बिज्ञ जुइमाः मखुसा थुकी दुहां वनेवं हे झीगु फुक्कं हे डाटा तुरून्त हे ह्याक याना काये फु । झीगु इन्टरनेट धैगु प्याजया बः बः थें जुइ । झीसं चलेयानाच्वनागु इन्टरनेट सतही जक खःसा थुकीया दुने मेगु संसार अझं दनी । थुगु सर्वरय् ह्याकर्सतय्गु चलखेल जुइसा थन लागूवासःया कारोबार, ध्यबा, आतंकवादी गतिविधीया निंतिं सम्झौता आदी इत्यादी जुइ गुगुकी गैरकानूनी जुयाच्वनी । सुशान्तया मृत्यु प्रकरण नं थ्व हे डार्क नेटय् लाइभ जूगु खँया दावी भिवोर आनन्दं याःगु खः ।
थज्योगु दावीयाम्ह मनू सु खः व छाय् पत्या जुइगु धयागु खँय् न्ह्यसः ब्वलनीगु स्वाभाविक खँ खः । भिवोर आनन्द भारतया सुप्रिम कोर्टया छम्ह वकील खः । पेशागत रुपं थः छम्ह वकील जूगुलिं थःम्हं विना आधार व प्रमाण छुं हे मधयागु खँ भिवोरं दावी यानाच्वंगु दु ।
भिवोरया हे दावी दु कि सुशान्तया मृत्यु प्रकरणय् गुलि नं अलमल व षडयन्त्र दु व फुक्कं माहाराष्ट्रया भावी राजनीतिक व्यक्तित्व आदित्य ठाकरेयात बचेयायेगु नितिं जुयाच्वंगु खः । आदित्य ठाकरेया संलग्नता मस्तय्गु तस्करी यायेगुली दु अले सुशान्तं छम्ह मचायात लहिनातःगु दावी दु । थुकीया हे स्वापू सुशान्तया पूर्व म्यानेजर दिशा शालीन लिसे नं दु धकाः भिवाेरं धाःगु दु सा सुशान्तयात स्याःम्ह इम्तिया खत्री नां याम्ह अन्दरवर्ल्डया छम्ह डन खः धकाः नं खुलासा याये धुंकुगु दु गुम्हेसित सिबिअाइ नं ज्वने नं धुंकल ।
सुशान्त सिइ धुंकाः पुलिसं लाश पितहःगु इलय् अन निम्हेसिया लाश दुगु खँ थौंकन्हे युट्युबय् नं खंके फइ । महाराष्ट्र सरकार व महाराष्ट्र पुलिसं यक्व हे खँ सुचुकू व स्यंकूगु खँ भिवोरं धाःगु दु ।
भिवोरं सुशान्तया मृत्यु प्रकरणया स्वापू बलिउडलिय् नं दु धाःसें मस्तय्गु तस्करी व सेक्स राकेट स्वाकेगु झ्वलय् सलमान खानयात ल्याय्म्हपिंलिसे यौन स्वापूतय्गु शौक दुगु खँ न्ह्यथंगु दुसा सलमान खानया दुबाइलय् व्याह जुयाः नं १६/१७ र्दँया म्ह्याय् दूगु दावी नं दु ।
अथे हे बलिउडय् महेश भट्ट व आदित्य पंचोलीं लागू वासःया कारोबार यानाच्वंगु दु धकाः धाःगु दु ।
ध्यबाया चलखेल कथं हुण्डीया अवैध काराेबार याइम्ह दकलय् तःधिम्ह ब्यापारी करण जाेहर खः धकाः धाःगु दु ।
इलय्ब्यलय् बलिउडया थुज्योगु चर्तिकला व घच्याइपुस्से च्वंगु बिषययात कयाः बलिउडय् हे प्याखँ दयेकीगु नं याः । निर्देशक मधुर भण्डारकरं थज्योगु हे बिषयलय् पेज थ्री नां यागु नं छगू संकिपा दयेकुगु खः गुकी भिबोर आनन्दं धाःथें दक्व हे खँ दु ।
