कोरोनाया कारण लकडाउन जुयाच्वंगु इलय् बुंगद्यः सालेगु थौंया बिषयलय्, यल महानगरपालिकाया मेयर चिरिबाबु महर्जनं थःत छुं जानकारी मदुगु खँ धाःगु दु । मेयर चिरिबाबुया कथं रथयात्रा बिषय थौं छलफल जक जुइगु धकाः धाःगु दु । थौं हजारौंया ल्याखय् मनूत स्वतस्फूर्त मुनेवं स्थानीयतय्सं निषेधाज्ञा उल्लंघन यासें बुंगद्यःया रथ पुच्वं गाबहालय् यंकेत स्वःगु खः ।
मेयर महर्जनया कथं भाद्र १० गते रथ देयेकीपिं, रथ सालिपिंनिगु दथुइ, स्थानीय व जनप्रतिनिधी दथुइ च्वंगु बैठकं गुठी संस्थानं याःगु निर्णय स्वीकार यायेगु निर्णय याःगु खः । थौं बुंगद्यः सागु बिषय थः अनविज्ञ धकाः मेयर महर्जनं धाःगु दु।
( न्यूजअफनेपाल डट कम पाखें )
