धर्म महर्जनया न्हूगु म्ये विक्रम संवतया नवबर्षया अवसरय् पिदनेत्यंगु दु । ईलोहं प्रकाशनया युट्युब च्यानल पाखें बैशाख १ गथे पाय्छी सुथया ८ बजय् छन्त जिगु माया मदुला प्रिमियर जुइ । थुगु म्येय् किशोर चिपालु, रविना तुलाधर व विपश्यना शाक्यया अभिनय स्वये खनिं । मनोररत्न शाहीया छायाँकन लिसें सम्पादन थुकी दु । म्ये थौंकन्हेया व्यस्त एवं गतिशील युवाः निर्देशक राजन शाहीं यागु खः ।
म्ये स्वयेत थुगु च्यानलयात सब्स्क्राइब यानादी फइ । लिसें बेल अाइकन तियादिल धाःसा रिमाइन्डर नं सेट जुइ ।
थुगु म्ये पेजथ्रीया सम्पादक दर्शनवीर शाक्यं च्वःगु खःसा म्येया संगीत संयोजन जीवित जल्मिं याःगु खः । म्येया रिकर्डिंग मेलोडी स्टुडियोय् सुरेन्द्र श्रेष्ठं यानादीगु खः ।
लकडाउन न्ह्यो हे थुगु म्ये क्वचाये धुंकुगु खःसा थुगु म्ये लकडाउन क्वचायेका जक पिकायेगु ग्वसा जुयाच्वंगु खः तर लकडाउन ताःहाकः जुयाः वंलिसे थुगु म्ये लकडाउनया ई दुने हे पिकायेगु म्ये हालामि धर्म महर्जनं कनादीगु खः ।
Sakala entire team yaata yakko yakko bhintuna du 🌹🌹🌹🌹🌹