कोरोनाभाइरस पनेगु निंतिं जुयाच्वंगु लकडाउनय् यक्व हे मनूत छथासय् कुना च्वनेमाःगु अवस्थाय् पेजथ्री बाःछिपौ पाखें थी थी सिरपा सहित सांगीतिक ज्याझ्वः Page3 cover song competition (पेजथ्री कभर संग कम्पिटिशन)या घोषणा याःगु दु ।
‘छंगु छन्त हे’ नेपालभासाया लोहंह्वाःगु म्येचाः या कं नं स्वां जुइ म्येया कभर कासा जुइत्यंगु खः । थुगु म्येय्र रत्नशोभा महर्जनया सः दु । रचना दुर्गालाल श्रेष्ठया अले जुगल डंगोलया संगीत व संगीत संयोजन थुगु म्येय् दुथ्यानाच्वंगु खः ।
थुगु हे म्येयात कभर याना भिडियाे दयेका ईलोहं प्रकाशनया इमेलय् छ्वयेमाः । थुगु म्ये ईलोहं प्रकाशनया युट्युब च्यानलय् पाेष्ट याइ गुकीयात अाधिकारीक रूपं हाकनं Page3 cover song competition फेसबुक पेजय् सेयर याइ
नेसं ११४० चौलागा अष्टमीनिसें बछलाथ्व दुितया, (२०७७, बैशाख ३ निसें १३ तक्क)या दुने दुथ्याकेमाः ।
थुगु कासाय् ब्वति कायेगु नितिं थी थी नियम दयेकातःगु दु ।
कासाय् ब्वति कायेगु नितिं फारमया लिंक
https://forms.gle/c44ayNkNoYg3MdHy8
कासाय् उत्कृष्ट छम्हेसित आर्टोम्युज स्टुडियोपाखें म्ये कभर रेकर्डिंग व फोटो क्यानभास नेपालपाखें कभर भिडियो रेकर्डिङ्गया सिरपा घोषणा यानातःगु दु । हःपाः सिरपा सुनचाँदी विक्रेता,असंया प्रायोजनय् १५ ग्रामया वहया पाँय्म्वः युट्युबय् दकलय् यक्व भ्युज् दुम्ह व युट्युबय् दकलय् यक्व लाइक दुपिन्त म्हतिं लःल्हाइगु जूगु दु ।
सिरपा त्याकामिपिनिगु नां ११४० बछलागा दुितया शनिवाः (बैशाख २७, २०७७) खुन्हु सामाजिक संजाल मार्फत जुइ ।
