नेपालभासाया म्युजिक भिडियो ख्यलय् छगू न्हूगु म्ये छन्त जिगु माया मदुला तयार याःगु दु । म्ये हालामि धर्म महर्जनया सः दुथ्यानाच्वंगु थुगु म्ये लोक लसय् आधारीत दु । जीवित जल्मीं संगीत संयोजन यानातःगु , पेजथ्री बाःछिपौया सम्पादक दर्शनवीर शाक्यं च्वयातःगु थुगु म्ये स्टुडियो मेलोडीइ सुरेन्द्र श्रेष्ठं रेकर्ड यानादीगु खः ।
म्युजिक भिडियोया कलाकार कथं किशोर चिपालु, रविना तुलाधर व बिपश्यना शाक्यया अभिनय दु । थुगु म्ये राजन शाहीं निर्देशन यागु खः सा म्येया सम्पादन व छायाँकन मनोजरत्न शाहीं यानादीगु दु । म्येया लोकेशन कथं खोकनाय् सुटिंग यागु खः ।
निर्देशक राजन शाहीया कथं थुगु म्येया निंतिं विस्कं हे लकस दयेकाःगु व कलाकारपिंन्सं नं यक्व हे मेहेनत यानातःगु दु । थुगु म्ये याकनं हे पिकायेग ग्वसाः दुगु खँ धर्म महर्जनं कनादीगु दु ।
