समस्या
कलाः लय्ताल धाःसा भाःत नं लयताइ,
तर भाःत लय्ताल धाःसा कलाम्हं बिचाः याइ की अहो पक्कां छुं
गडबड दु ।
आत्मसम्र्पण
पुलिस स्टेशनय् छम्ह मिजं ब्वाँय् ब्वाँय् वयाः आत्मसर्मपण याः वल ।
पामिभा जिं थःत आत्मसमर्पण याः वयाःगु
पुलिस छाय् ?
पामिभा जिं जिमिकलाया छ्यनय् कथिं मुइका बिया
पुलिस ओह …. छु छिमि कला सित ला ?
पामिभा मखु व बचे जुल । तर जितः बाकी तइ थें मच्वं ।
गल्ती जुसा
छुं गल्ती जुल धाःसा छु यायेगु स्युला ?
– मस्यु
शान्त जुइगु । बिचाः यायेगु की स्वइत दोष बिइ माली धकाः नां बिचाः यायेगु ।
अफयेर
कलाः छंगु कमिजय् ला सँ छपू हे थाना मवः ।
भाःत छु जुल ले सा ?
कलाः थौंकन्हे छ तालुम्ह मिसा लिसे अफ्यर न्ह्याका च्वनागु खः ला ?
पाइन्ट सुइकेत
सिंचा पाइन्ट सुइकाःगु गुलि खः ?
टेलर ५०० तका
सिंचा हाफ पाइन्ट ले ?
टेलर १५० तका
सिंचा अय्सा जितः हाफ पाइन्त निगः सुयाब्यु । लम्बाइ भचा भचाः बढेयाना ब्यु ।
चिट्ठा
पामिभा जितः चिट्ठा लात धाःसा छु यायेगु छं ?
कलाः जिला बच्छि ध्येबा काये । छन्त त्वताः अलग्ग च्वंवने ।
पामिभा अय्सा थ्व नां ५०० तका । म्हिगः १००० दांया चिट्ठा त्याःगु । इलय् ब्यलय् नापलाः वयाच्वंन्हिं ।
छाय् स्युला ?
मास्टर अस्पतालय् ं चिं छाय् तयातइ ?
सिंचा मार्साब । दनाच्वंम्ह मनू चाहिं डाक्टर अले द्यनाच्वंम्ह मनू चाहिं ल्वःगी धकाः सिइकेत का ।
ग्याचिकु
जितःला न्ह्याब्लें ग्याचिकु जुयाच्वं की जःला खःलात मुनां जितः दाः वइ जुइ । जि सुथय् न्हापां दनां बार्दलिइ वनां बँ पुवनेगु । अले ५ मिनेट जायेवं हे छेँय् छेँय् ल्वापू सुर जुइ ।
अय्लागुलुया सुचं
छम्ह अय्लागुलु चान्हे तःतःसलं हालाच्वन । छगू परिवारयात तसकं डिस्टर्ब जुल । कलाःम्हेस्यां भाःतयात थना पिने स्वः हुँ धकाः धाल । भाःतम्ह म्हायेक म्हायेक वनां स्वःवन ।
पामिभा – छाय् हालाच्वनागु ?
अय्लागुलु – सावधान । लखय् बिष दु । त्वने मते न्हिं ।
पामिभा थुलि न्यना छेँ दुहां वल ।
कलाःम्ह – छाय् सु हालाच्वंगु ?
पामिभा – छुं मखु । अय्लागुलु हालाच्वंगु का । म्वाल हुँ लः छक्व त्वना द्यं ।
बदला
पामिभा म्वः ल्हुयाच्वंथाय् छेँ नापं च्वंम्ह तताजुं खन । पामिभां अदालतय् वनां मुद्दा तल । मुद्दाया पेशी जुल ।
जज – का आ छंत छु माल ?
पामिभा – बदला ।
