भम्चिया ख्वाः
न्ह्यसः व्याहा बले भम्चिया ख्वाः छाय् तपुना तइ वा भम्चां छाय् छ्योँ क्वछुना तइ ?
पामिभाः हाकनं सु छम्ह सकसिया न्ह्योने व जिमि न्ह्यापायाम्ह गर्लफ्रेण्ड खः धकाः धयाबिलकी छु यायेगु ले ?
फील वइ
सुन्तिबलय् बारा न्यायेकी । तर गुगुं बारा न्योके न्ह्यः फुस्स वनी । ह… अज्योगु बारा तुतिं न्हूयाः स्याइ । बारा सी धुंका… दुनिं सत्य धरोधर्म टाइम बम हे डिफ्युज याना थें फील वइ धयाः… ।
स्वकं मरी
पाकः मिसाया भाःत मरी स्वकं नयाच्वन । तर छकू टुक्रा धाःसा न्ह्योनेसं दुम्ह खायात नकाच्वन । छम्ह मनू वयाः न्यन ।
मनू अय्… छु यानाच्वनागु ? छाय् छँय् खा यात मरी नकाःच्वनागु ?
पामिभाः मखु जिं नान विथ चिकेन नयाच्वनागु का..
बैंकया नीति
यक्व त्यासा काइपिंके बैंक ध्यबा लित काये मफु ।
भतिचा त्यासा काइपिंके बैंकं माफ यानाच्वन ।
त्यासा हे मकाइपिंपाखें बैंकं ध्यबा मुंकाच्वन ।
म्यारीज
कलाःम्ह छिं एरेन्ज म्यारीज व लव म्यारीजया बारे स्यु ला ?
पामिभाः स्यु ।
कलाम्ह छु ले ?
पामिभा आः… लँय् ववं हे छम्ह खिचां आकाझाकां न्यात धाःसा व एरेन्ज म्यारीज जुल का अले सुम्क म्हिताच्वंम्ह वेँचाः खिचाया न्ह्योने वनां तिंतिं न्हुयाः प्याखँ हुला जितः न्यांवाः धकाः उक्से यानाच्वनेगु चाहीं लव म्यारीज का ।
सत्य बचन
जितःला व्याहा न्ह्यं म्ह स्व वने धैगु यः हे मयः । आ… मखुला.. जब तुंछिइ क्वबाये माः सा तुंछि गपाय् जाः धकाः छाय् स्वः वनाच्वने माःगु धैगु का… ।
चिकुला वलकी…
बिदेशय् चिकुला वलकी हे मनू हे यच्चुसे च्वना वइ हँ। गुलाफ स्वांथें न्यताः ह्याउँ ह्याउँ नयाः वइ हँ । मौसम हे रोमान्टिक जुयाः वइ हँ । स्नोफल जुइ हँ। मतिना हे मानौं फय् जुयाः सिरसिर ब्वयाच्वंथें ….. थिया वनि हँ … । तर झीथाय् चिकुला वइबलय् ला जिगु ल्हाः नं तज्या… म्हुतुसिनं तज्याः…
थौकन्हेया मतिनामि
मिसा – ‘छि थाय् ‘छ हे जिमि न्हापांम्ह मतिनामि खः’ धका च्वयातःगु कार्ड दु ला ?
पसल्या – दु
मिसा – अज्यागु झिपा कार्ड बियादिसँ ।
इरिटेड मनू
डाक्टर – ‘छित फलोअपय् याकन वा धयागु गुला लच्छि लिपा जक थ्यन नि ? छाये थें ?
विरामी – ‘जिं छिगु हे सल्लाह नाला च्वनागुलिं का ।’
डाक्टर – जिगु सल्लाह ? जिं छुं अज्यागु सल्लाहला बियागु मदु थें च्वं ।’
बिरामी – छिं इरिटेड याइपिं मनूतपाखें तापाक्क च्वं धया दियागु मखुला ?
चलाख डाक्टर
नर्स ‘डाक्टर, छिं नकतिनि वासः याम्ह मनू अन लुखाय् थ्यनेवं हे क्वदल ।
डाक्टर वयागु म्ह चाहीका ब्यू । नकतिनि दुहाँ वःम्ह थें च्वंक ।
पत्ति खोले यायेगु चमत्कार
विरामी डाक्टर सा’व थ्व ल्हातय् च्वंगु पत्ति लिकाये धुंकाः जिं हारबीन थाये फइला ?
डाक्टर मफयेमाःगु कारण हे मदु । पक्कां फइ ।
विरामी धन्य ! जि हारबीन नं थाये सइगु जुल ।
मोबाइल आय्प्सया कमाल
सिन्चां फेसबुकया मिसा पासा नाप लायेगु मत्ति तल । तर वयागु मनय् फेसबुकय् खंम्हथें हे बांलाम्ह खइ कि मखइ धकाः मनय् खँ वात ।
हाकुचा धन्दा कायेम्वाः । थौंकन्हे फोनय् ‘सेभमि’ धयागु आय्प्स दु । थ्व आय्प्स थ्याक मिले यानाः वयागु लुखाय् त्वाक त्वाक याःहु । बिचाः याना थें मजुल धाःसा आय्प्सया फोन घण्टी वयेवं फोन ल्ह्वना ‘छु धयाः मां अस्पतालय्, का जि तुरुन्त वये’ धाः । अनं बिस्यू वा ।
सिन्चा अथे हे यात । खापाय् त्वाकत्वाक यात । छम्ह तसकं हे बांलाम्ह मिसां खापा खंवल ।
सिन्चां लय्तायाः छुं धायेत म्हुतु जक वांखाःगु इलय् उम्ह मिसाया फोनया घण्टी न्यात ।
मिसा ‘छु धयाः मां अस्पतालय्, का जि तुरुन्त वये ।’
