फ्वगिं
रत्नपार्कय् मनूत माइक्रो गयेत लाइन च्वनाच्वन । छम्ह फ्वगिं वल । दक्वसिके फ्वंवन । गुम्हेस्यां ५तका गुम्हेस्यां १०तका बिल । भचा जायेवं व फ्वगिं नं ट्याक्सी छगः दिकल । व ट्याक्सी च्वना वन स्वःपिं फुक्कं वातां ।
एसिड टेस्ट
केमेस्ट्रीया ल्याबलय् मास्टरं छगू न्ह्यसः तल । वं थःगु खल्तिं ध्येबा छगः लिकाल । एसिड दुगु टेस्ट ट्युबय् तल । अले मस्तय्त न्यन ।
सर का थ्व ध्यबा थुगु एसिडं नाय्की ला ?
सिंचा नाय्की मखु सर
सर छाय् ?
सिंचा सर व एसिडं नायेकीगु जुसा सरं थःगु खल्तिं ध्यबा लिकाइ मखु जुइ । जिमिके काइ नी ।
न्ह्यः लिपा
व्याहा न्ह्यः
छ मदुसा जि नं मदु । जि मदुसा छ नं मदु ।
व्याहा लिपा
कि थौं छ मन्त, कि जि मन्त का …..
ज्ञानया खँ
जिन्दगी हे जेरी थें चाःचाः तुसा चास्नी दुबे जुयाः जीन्दगीया मज्जा छाय् मकायेगु ले ?
मांया मतिना
न्हापा न्हापा मचाबलय् मांया सुँ पासा वल धाःसा व सासां छु धाइ स्युला ?
पाहाँ – अहो । छिमि काय्ला गुलि जक बांला ।
मां – खः ल्हा । नां यंकी । निन्हु प्यन्हु छन्थाय् तया ति ।
आ कलाया सुँ पासा वल धाःसा …
पाहाँ – अहो छिमि भात ला साप हे भिं खनिसा ….
तर कलाचां धाःसा गुब्लें अथे धाः ला ?
– खः ल्हा । नां यंकी । निन्हु प्यन्हु छन्थाय् तया ति ।
तुलना
थः मचाया रिजल्ट स्यन धकाः गुब्लें मेम्ह मचा वा वया पासा लिसे तुलना याये मज्यु । छाय्की छित नं छिमस्तय्सं बिल गेट्स लिसे तुलना याना स्वल धाःसा गथे जुइ ?
अय्लागुलु भात
– थौं छाय् त्वना मवयागु ले ? जितः ला छिं अय्ला त्वना धेधेचुइक वइगु सिक्क हे यः ।
भातम्ह वातांहा
– छिं अय्ला त्वना वइबलय् दुनी भुतुलिइ च्वंगु चिप फुक्कं सिला बिइ अल द्यने त्येका जिगु तुति नं तिया बिइगुलिं का ।
न्ह्यः लिपा
सिंचाया फेशबुकया स्टाटस
म्हिगः बहनी जिं पार्टिइ ७ पेगसिबें यक्व त्वना । जितः छु विश्वास दु धाःसां जिं न्ह्याक्व त्वँसां जिं बांलाक्क ड्राइभ याये फु । तर छम्ह सभ्य नागरीक कथं जिं गाडी मगया । जिं ट्याक्सी गयाः वना ।
यक्व हे लाइक व कमेन्टस् वल । तर छगू कमेन्ट थज्योगु नं वल ।
यार त्याक्सी वंगु ला बां हे लात तर छ गन वनागु थें ? पार्टीला छंगु हे छेँ जुयाच्वंगु खः नी ।
ज्ञानया खँ
माजु भम्चा छन्तला साक्क छुं हे दयेके मवः खनिसा
भम्चा मां नं छु जिगु थःछेँ होटल म्यानेजमेन्टया स्कुल धकाः च्वना ला?
कलाया खँ
न्हापांगु बर्ष जा निं नः वा । न्हाचःनिसें छुं हे मनःनि ।
निगूगु बर्ष जा बुत । ताना बिइ ला ?
स्वंगूगु बर्ष जा बुत । नयेपित्यातकी धयादिसँ ।
प्यंगूगु बर्ष जा बुत । थःम्हं तानां नयादिसँ ।
न्यागूगु बर्ष न्हिच्छिं जिं जा थुइ मफू । थौं पिने नः वनेगु का ।
खुगूगु बर्ष गुलि नये माःगु । न्हिछिं जातानाब्यु धकाःहालाच्वनिंगु । आसे थ्व सिरियल छगू निंस्वये ।
