सकसिनं सिइके माः
कलाम्ह व पाकः मिसाया भातया ल्वापू जुल । शुरुइ भतिभति खँ जक ल्हाना ल्वापू जूगु । लिपाला कलाम्हेस्यां तुफि हे ज्वना दाः वल ।
पामिभा फुर्ति नक्सां तिंन्हूया दराज दुने सु वन ।
कलाम्हेस्यां घाराघारा याना हाल।
– का खुरुक्क पिहां वा ।
पामिभां झन फुँइ याना हाल ।
– छं धायेवं वइला ?
इमिगु हाःसः तायाः छेँ नापं च्वंम्हनं स्ववल ।
कलाम्हेस्यां धाःल ।
– का याकनं पिहां वा । थन रामकाजी छेँ वयेधुंकल ।
पामिभा झन चिल्लाय् दनां ततःसलं हाल ।
– रामकाजीचा जक मखु । त्वालय् च्वंपिं दक्वं हे सःति । आखिर इमिसं नं सिइ मालनिं थ्व छेँय् सुनां धाःथे जुइ धकाः । जिं ला न्ह्यांबलय् जक पिहां वये ।
छिं छु ज्या याना दी
जब सुनानं छित छिं छु ज्या याना दी धकाः न्यनी तब सिइका दिसँ व मनुखं छित गुलि सम्मान बिइ माः धकाः हिसाब यानाच्वंगु दइ ।
ल्वापू
पाकःमिसाया भातं छेँ नापं च्वंम्ह छम्ह मचायात दाल । मचा ख्वल । मचाया मांंम्ह ल्वाः वल ।
पामिभा थ्व छिगु मचा खःला ?
मिसाम्ह खः ।
पामिभा छि ला गज्योगु ल्यासे खने दु । छि मचा हे धाये मल्वः ।
ल्वापू अनंतुं क्वचाल । तर मांम्हेस्यां धाःसा मचायात दादां छेँ यंकल ।
म्हासुगु कुर्था
सिंचा छं जितः नापलाः वइबलय् म्हासूगु कुर्था व तुयुगु सुरुवा न्ह्याना वये मते न्हिं ।
मिसा छाय् ?
सिंचा जितः रहर क्येँ व जा जक लुमना वइ छु ।
जितः मन्यंसे..
डाक्टर जब छं छिमि कलायात मोटर साइकल चलेयायेगु स्यंसिनि छ भचा साइडय् च्वने माः निंसा । आ छन्त हे क्यला वन मखुला ?
पामिभा क… डाक्टर साप । जिला क्यबय् च्वना अखवार ब्वनाच्वनागु काः । वं ला जितः मन्यंसे गल का …।
मिस्तय्गु खँ
निम्ह मिस्त खँ ल्हानाच्वन ।
मिसा १ – छु छन्त अज्योम्ह मिजं यः ला गुम्हेसिया सँ फुक्क तुयुसे च्वने धुंकाः नं हाकु पानाः जवान जुइत स्वइ ।
– निपला न्यासि वनकी हे फुँ फुँ वइ ।
– अफिसं लिहांवया बहनी जुलकी अय्ला त्वनी अले धुँ थेँ घुरघुर घुरेजुयाः द्यनी
– बाथरुमय् आधा घण्टा बिइका कमोडय् फ्यतुनाच्वनिं ?
मिसा २ – यम्मासा सुयात यइ धकाः अज्योम्ह मनू ।
मिसा १ – अय्सा छ छाय् जिमि भाःतया ल्यू ल्यू जुइत स्वयाच्वनागु ?
फिलिंग्स्
न्हापा न्हापा पसलय् ग्राहक भगवान खः धकाः च्वयातइ । छुं सामान न्यांवंसां द्यःया फिलिंग्स् वः ।
आ ला न्ह्यागु पसलय् न्यावंसां छि सिसि टिभिया निगरानी दु धकाः च्वयातइ । धात्थें धायेगु खःसा थः छम्ह खुँ खःला धैगु फिलिंग्स वइ धयाः ।
फिलिंग्स्
सी न्ह्यो पाकःमिसाया भातयात कलाम्हेस्यां धाल । आ झी स्वर्गय् नापलाय् । अबलेनिसें पामिभां अय्ला त्वनेगु, गजित्वनेगु लिसें संसारभरया मखुगु ज्या यायेगु शुरु यातहँ ।
ल्वापू
भाःतया नां महेश, शिव, शंकर, भोला प्रसाद न्ह्यागु हे जुसां आखिर ताण्डव ला कलाम्हेस्यां हे याइगु खनिं । मखुला ?
सत्य हरीशचन्द्र
पामिभा छगु खँ स्युला ?
कलाम्ह छु ?
पामिभा सत्य हरीशचन्द्रयात वया कलाम्हं जि गथे च्वं धकाः न्हिं न्हिं न्यंगु जुसा वला सत्य हरिशचन्द्र गुब्लें जुइमखु जुइ ल्हा ।
छु बारे यायेमाली ?
द्यःपाला छक्व झारा जुल । डाक्टर थाय् क्यं वन ।
डाक्टर का थ्व वासः भपिया दिसँ । झारा जूगु लनिं ।
द्यःपाला जिं छुं बारे याये माः ला ?
डाक्टर नयेगुलिइ ला छुं बारे याये मालिइ मखु बरु छवाःतक्क धाःसा शंख पुइगु मेम्हेसित हे याके माली का ।
