ल्वापू
स्वम्ह मस्त दुम्ह छम्ह विधवां स्वम्ह मस्त दुम्ह बिदुरलिसे व्याहा यात । निम्ह पाखें हाकंनं छम्ह मचा दत ।
छन्हु कलाःम्हेस्यां भाःत म्हेसित फोन यात ।
– हेलो । स्वयादिसँले । जिमि मस्त व छि मस्त मिले जुया झी मचायात दायाच्वन धया । याकनं झासं ले ।
थन आ ज्या हे मदये धुंकल
पामिभाया न्ह्योने छम्ह मनू वल । न्ह्योने तक्क दित ।
व मनू जि यमराज खः । छन्त काः वयागु । का नुं ।
पामिभा छाय् वयेगु । जिगु बडि चेक याना वयागु फुक्कं हे ठिक जु । छं धायेवं जि वयेमाः ला ?
यमराज छंगु मोबाइल ग्व ?
पामिभां खल्तिइ माली । तर दइ मखु ।
यमराज छं मोबाइल छेँय् हे त्वता थकल । छंगु मोबाइल आ छिमि कलानं स्वयाः छन्त ‘लसकुस’ याये धकाः पियाच्वंगु दु ।
पामिभाया ख्वाः खिउँसे च्वन । अले धाल ।
– का नु सा । थन च्वना आ ज्या हे मदये धुंकल।
झीसं छाय् व्याहा यायेगु ?
शिक्षक झीसं छाय् व्याहा याइ?
सिंचा छाय्की जीवनय् रोमान्स जक नं पुरा मखु धैगु ज्ञान कायेमा । झीसं ग्याचिकु धैगु छु खः ? त्रास धैगु छु खः ? सस्पेन्स धैगु छु खः ? मूर्खता छु खः? टे«जिडि धैगु छु खः ? आतंक धैगु छु खः धकाः सिइके माः । व हे सिइकेत झीसं व्याहा याइगु खः सर ।
मातृभासं न्ववा
शिक्षक ओछ्यानमा कसले चिया पोखाएको ? आ आफ्नो मातृभाषामा सबै ले भन्ने।
सिंचा सर मातृभासा ?
शिक्षक खः ।
सिंचा कुलांगार कपुत … म्हिगः तिंनि अज्योगु थाक्कुक वसः हियागु का… गघा आ छिमिअबु वयाः हियाबी ला थ्व तन्ना ?
लिसः
छम्ह नारीवादी मिसां मंचय् उग्रजुयाः भाषण यानाच्वन ।
यदि मिस्त जक मदूगु जुसा मिजंत गन थ्यनी स्यु … ला …?
‘स्वर्गय्’ भाषण न्यनाच्वंपिनिगु ल्यूने पाखें सः वल ।
डाक्टरया समस्या
शनिवारया दिन पामिभा सोइकोलोजीस्टया क्लिनिकय् वन ।
पामिभा डाक्टर साप जितः ला साप हे थाकुल । जिमि कलानं न्ह्याब्लें हे शंका जकयाना च्वनिं । जिगु छुं हे खँ न्यनि मखु । डाक्टर साप छुं हे वासः मदु ला ? थुकीया ….
डाक्टर (झसूका तःसें ) थुकीया वासः दुगु जुसा छु जि थौं शनिवारया दिं नं क्लिनिक चायेका च्वनाच्वनी ला ?
मतिनाय् बरबाद जुपिं
मिसा जि ला छंगु मतिनाय् बर्वाद जुल का । खत्तम जुल, बदनाम जुल ।
सिंचा जि जक गन प्रधान मन्त्री जुल ले सा ? जि नं ला ममःचा मियाच्वना निं सा । नयेगु ला प्लेटया ९० जक ।
तँ चाम्ह कलाः
कलाःम्ह तँचायाः थः छेँ वन । पाकः मिसाया भातं न्हिं न्हिं फोन याइगु ।
ससःमां व वैमखु आ । छं न्हिं न्हिं फोन याये म्वाः ।
पामिभा छुं खँ मदु । जितः लिसः न्यनां आनन्द वः ।
पाहां व खाना
मांम्ह हुँ बाबु । पाहां पिन्त खानाया बारे न्यना वा ।
सिंचा पाहांपिंथाय् वनां न्यं वनिं…
– छिक्पिं छेँ हे नयावये धुन की छेँ वनां नःवनेगु ।
पार्किंग
पाकः मिसाया भातया छेँ न्ह्योने न्ह्याब्लें मोटर दिके हइगु । पामिभां न्ह्योनेसं छगू बोर्ड तयाबिल । थन पार्किंग यात की २५० तका बँ पुले माली । तर नं सुनां हे वास्ता मयाः । न्ह्याम्हेस्यां नं अन हे पार्किंग यानाच्वनीगु । अले छन्हुं वं साइनबोर्ड हिइका मेगु हे च्वल ।
‘पार्किंग याना दिसँ । घण्टाया २५० तका ।’
अनंलिपा आ तक्क सुनानं पार्किंग मयानी अन ।
