चच्छि न्ह्यः वइ मखु
अंगे्रजी प्याखनय् ला झिकः चुप्पा नःसा मतिना जुइ मखु । तर झीथाय् स्वले ‘छिके कलम दुला धकाः मिसां न्यं जक न्यंसां’ चच्छि न्ह्य वइ मखु ।
मोबाइल मोबाइल
मां चच्छि न्हिच्छि नं मोबाइल घयेपुया जुयाच्वने धैगु दु ला ?
सिंचा अय्सा व्याहा याना ब्युले सा । मोबाइल घयेपुइ मखु ।
दुकुचिया जीवन
सिंचा जिन्दगी धैगु ला दुकुचिया हे बांला का
धुंचा गथे याना ?
सिंचा दुकुयात छक्व चनंक्क पालकी जीन्दगी हे साफ का…
धुंचा छाय् पिभत थः छें लिहां वल ला ?
अंग्रेजी भाय्
कलाम्ह अंग्रेजि भाय् सयेके धकाः इन्स्टिच्यूट वनाच्वंगु नं निला हे दइन ।
थौं कन्हे पामिभा अफिसं छेँय् लिहांवइबलय् नं कलाम्हेस्यां अंग्रेजिं हे न्ववाइगु ।
भाःतम्ह दुहां वल ।
कलाम्ह वेलकम होम
पामिभा थौं तसकं हे त्यानुयाच्वंगु दु।
कलाम्ह ओके । रेष्ट इन पिस ।
गुलि यः ?
छु छं जितः छक्वलं निता खँ धाये फुला गुकिं जितः लय् नं ताय्की अले तंनं पिकायेकी ?
पामिभा छ जिगु जीन्दगी खः ।
कलाम्ह लय्ताइ ।
पामिभा धिक्कार दु । थज्योगु जिन्दगी खनां ।
कलाम्ह….
ल्वापू
कलाम्ह हेलो डाक्टर साप जिमि भातंला अथें सिटामोल नयाबिल धयाः
डाक्टर अय्सा छिं भाःतयात टेंशन बियादिसँ । मखुसा सिटामोल सितिं वनिं न्हिं ।
कंजुस
पा मि भा जितः तसकं हे जँ स्यानाच्वन धया.. । तले दाइ थाय् वनां मूभ छक्व कया वा ले
कला आ छं छिमि दाइ म्ह हेस्यु निं । गुलि कंजुस धकाः । वं बिइ हे मखु ।
पा मि भा व ला खः .. । जितः ला तसकं हे स्यानाच्वन या । बरु व छंगु चुरी दुगु दराजय् जिं मूभ छगः तै तयागु दु । व हे लिका ले … । आइया… ।
व सु खः ?
पाकः मिसाया भात व कलाःम्ह मलय् वनां शपिंग यानाच्वन । मलय् भाःतम्हेसित छम्ह मिसा वयाः हाइ याना वन ।
कलाम्ह व सु खः ?
पा मि भा सु सु का … छु धायेगु खः । जितः ला झन टेंशन का वैत छ सु धकाः धायेगु धकाः…
पर्स छेँय् त्वफित
मिसा जिगु पर्स छेँय् त्वफित का । जितः २००० ध्यबा हथाय् जुल धयां
सिंचा छं न्ह्याब्लें हे चि चि धंगु जक खँल्हाइ ।
मिसाम्ह दंग जुइ । सिंचां पर्स लिकाइ …
सिंचा का नां थ्व २० तका । माइक्रोय् च्वं । छेँ वना पर्स कयाः वा ।
साउथया प्याखँ
– नासाया बैज्ञानिकतय्सं तकं सिइके मफु हँ छता खँ स्युला ?
– छु ?
– साउथया फिल्मय् हिरोया बाः हाकुसे च्वनिं तर नं हिरो धाःसा तुयुसे च्वनिं थथे छाय् धकाः
फ्यामलि प्लानिंग
सिंचा बाज्या बाज्या छिं फ्यामलि प्लानिंग धाःगु स्युला ?
बाज्या हट् । मस्यु मस्यु जिं । (झर्के जुयाः)
सिंचा जिं बिचाः यानागु खः बाज्यां छुं सिइ मखु धकाः । बाज्यां स्युगु जुसा झीगु सम्पति ७खा भाग यायेमालीगु ला ?
