कलाया प्रकार..
अल्छीम्ह कलाः थः हे वनां च्या दायेका हिं । बरु छगू कप च्या जितः नं दायेका हजि धाइम्ह
धम्कीबिइम्ह कलाः या त थ्व छेँय् कि छिमि मां च्वनि या त जि
इतिहासप्रेमि कलाः जिं फुक्कं स्यु छंगु शाखा सन्तान गथे च्वं धकाः ।
भविष्य कनिंम्ह कलाः छिं न्ह्य्गु जन्मय् नं जि थें जाम्हं चू लाके फइमखु का स्युला …
भ्रमय् लानाच्वंम्ह कलाः मखु छ मनू खः कि गोबर हँ ?
शंकायाइम्ह कलाः छ जिमि गुम्ह लिथु लिसे फोनय् खँ ल्हानाच्वनागु हाँ ?
अर्थशास्त्री कलाः थन ल्हासां हयातःगु लुँ पाँय् दु धकाः न्हिं न्हिं सागु सागु जोरेयाना नकातये फइ ला ?
धार्मिक कलाः द्यवं याना जि थें जाम्ह कलाः लात धाले ।
निराश कलाः जिगु भाग्य हे थय् का । छ थें जाम्ह लिसे हनेमाल का जीवन ।
मेसेज
भाःतम्हेसिया फोनय् मेसेज वल । टुङ्ग… तरकारी न्याना वा । अले सिन्तलिया बारे नं छगू खँ दु ।
छु खँ दु सिन्तलिया बारे ? भाःतम्हेस्यां मेसेजया रिप्लाइ बिल ।
छुं नं खँ मखु । छिं मेसेज स्वलकी मस्वः धकाः जिं सिइकेत सिन्तलिचिया नां अथें च्वयाहयाःगु । लिसः वल ।
भाःतम्हेस्यां हाकनं मेसेज छ्वल ।
अय्… जिं लां छु धायेत्यंगु धकाः च्वनागु का । वास्तवय् जि व सिन्तलि नापं दु । थन असनय् हे… ।
बाघौ ति लिपा कलाम्हेस्यां हाकनं भाःतम्हेसित फोन यात । हेलो …छि गन जि नं असनय् थ्यन ।
भाःत – जिला न्हाचःनिसें हे अफिसय् हे दु । छ असनय् थ्यन मखुला ? छन्त माः माःगु तरकारी न्यानायंकी न्हिं ।
कलायात छु धायेगु ?
छगू न्ह्यसः फारसी भासं कलाःयात छु धायेगु स्युला ?
पामिभाः संसारया छुं नं भासं कलाःयात छुं हे धाये फइ मखु । छं छु स्यु धकाः ।
ज्ञान
कलाःलिसे गब्लें हे मखु खँ ल्हाये मज्यु । छाय् स्युला ?
पामिभाः छाय् धाःसा कलानं न्ह्याब्लें व हे जक न्ह्यसः न्यनि गुकीया लिसः वं न्हापा हे स्यु ।
पारपाचुकेया कारण
शिक्षक पारपाचुके माःगुया मू कारण छु खः ?
सिंचा व्याहा ।
कलाः गज्योम्ह माः
मनूयात छु हे माः धकाः ।
छम्ह कलाः गुम्हेस्यां माया याइ ।
छम्ह कलाः गुम्हेस्यां मस्त स्वइ ।
छम्ह कलाः गुम्हेस्यां साःसाःगु खाना दयेकी नकी ।
अले अन्तय् ….
स्वम्हं नापं मिले जुयाः च्वनिं धैगु मनकामना ।
निथी मनू
संसारय् निथी जक हे मनूत दु । मतिनाया मिखां स्वइपिं ।
छथी खः व्याहा मयाःपिंसं व्याहायाये धुंकुपिंत स्वइ ।
मेथी खः व्याहा यायेधुंकुपिंसं व्याहा मयानीपिन्त ।
गुलि यः ?
– छं जितः गुलि ययेका का धाः सा …..
– जितःला छ थुलि यः की छं त्वंगु चिपःगु बिष नं त्वना बिइ फु । पत्या मजुसा जिगु जाँच का ।
ल्वापू
पामिभाः न्हिच्छि चच्छि थथे ल्वानाच्वना नं छु यायेगु धाइ निं ।
कलाःम्ह आ छु यायेगु ले सा ।
पामिभाः आ थथे मखु । छं नं भचा कम्प्रोमाइज या । जिं नं भचा कम्प्रोमाइज याये ।
कलाःम्ह मतलब
पामिभाः जिं नं छंके माफि फ्वने । छं नं जितः….
कलाःम्ह ज्यु ज्यु … छिं आ हे माफि फ्वना दिसँ ले । जिं छित माफ याना बिइ हे बिइ निं ।
म्हो खर्च
पा मि भाः पार पाचुकेत गुलि खर्च जुइ ?
वकिल ५०,००० ति खर्च जुइ ।
पा मि भाः यम्मासा, व्याहा यानाबलय् ला गुर्जुं २५०० तका जक ला दक्षिणा काःगु ।
वकिल का खन मखुला ? दंगुदिंगु म्हो खर्च याःगु नतिजा ।
