भ्यालेन्टान डे
भ्यालेन्टाइन डे कुन्हु भाःतम्हेस्यां कलाःम्हेसित तुयुगु गुलाफ स्वां हयाः बिल ।
कलाःम्ह थौं ला कम से कम ह्यांगु स्वां हयाबिइ माः निं ।
भाःत आ जीवनय् मतिना सिबें शान्तिया माले धुंकल स्युला ।
मोबाइलया कमाल
मिजं हेलो गन छ ?
मिसा जि सिटि सेन्टरय् । छन्त धकाः ५००० वंगु जिन्स पाइन्ट छगः स्वयाच्वनागु का । छ गन ले ?
मिजं जि ला … जि असनय् कमलाछि का। छं फुटपाथय् पाइन्ट न्यानाच्वंथाय् थ्याक्क ल्युने । १२०० धाःगु पाइन्टयात ६०० नं ब्यु धकाः बार्गेन यानाच्वंथाय् का …. बरु छं व मनूयात जिगु नां का । जिं म्हस्यु वैत । वं छन्त पाइन्त ५०० तकां बिइ ।
डेट व तारिख
शिक्षक डेट व तारिखय् छु पाः ?
सिंचा म्याम डेट धैगु मिसा लिसे वनि अले तारिख धैगु चाहिं वकिल लिसे वनिं।
शिक्षक बेहोस
जिंला अथें जक धयागु का ..
कलाःम्ह थौं भचा म्ह सुख मरु ।
भाःतम्ह अय् बहनी झन झी पिने नं वने धकाः बिचाः यानाच्वनागु का ।
कलाःम्ह अय्… जिं ला अथें धयागु का .. । अय्सा जि आ हे लँफ्यु वनेका । ( जुरुजारु दना वनेत्यनिं । )
भाःतम्ह जिं नं अथें जक धयाःगु खः… ।
टेष्ट याये..
कलाःम्ह निभा पापां बरां प्वला नयाच्वन ।
भाःतम्ह से जितः नं बरां टेष्ट याकी सा..
कलाःम्हेस्यां प्वलातःगु बरां छगः कयाः बिइ ।
भाःतम्ह अजु चाइ । – छगः जक ला ?
कलाःम्ह टेष्ट याये धयागु मखुला ? फुक्कं बरांया टेष्ट अथे हे च्वं ।
होस वःगु खःसा..
फः बन्जाः तरकारी मियाच्वन । तरकारी लखँ हाः हाः यानाच्वन । ता ई तक अथे हे यानाच्वन । गाहकियात वास्ता मयाः ।
गाहकी ओ साउजी । रामतोरीया यात होस वःगु खःसा जित १ किलो तया ब्यु ।
मनय् स्वां ह्वइ
कलाः थुगुसी छिगु जन्मन्हिखुन्हु जिं थज्योगु चीज छगू न्यानागु दु की व खनकी हे छिगु मनय् स्वां ह्व ।
भाःतम्ह अहोसा । गज्जब हे जुलनिं । थौं व्याहा याना थुलि मछि बर्ष लिपा छं जिगु बारे बिचा यात ।
कलाम्ह एक छिन न्हिं जिं फिना वये ।
आखिर छुं ज्या वल ला?
न्युरोडया ट्याक्सी स्टाय्ण्डय् निम्ह ट्याक्सी ड्राइभर गफ यानाच्वन । अबलय् निम्ह विदेशीत वल । इमिसं अंग्रेजीभासं खँल्हात । निम्हं ट्याक्सी ड्राइभर धाःसा वातां छुं थुपिं मखु ।
पर्यटकं हाकनं मुसुं न्हिला फ्रेन्च भासं न्यन ।
निम्हं मनू झन छु धाः छु धाः थें जुल।
पर्यटकं हाकनं स्पाय्निस भासं न्यन ।
इमिसं झन हे मथुल ।
पर्यटकं अन्तय् रसियन भासं न्यन ।
व निम्हं ड्राइभरं झन हे छुं मथु।
व पर्यटक अन्तय् हारे चायाः खुरुखुरु वन । व पर्यटक वंगु खनां छम्ह ड्राइभरं मेम्हेसित धाल । – स्व झीसं मेपिनीगु नं भाय् सयेके माःगु खनिका ल्हाः । थौं गुलि नोक्सान जुल खँ ला । भाय् मथुया.. ।
थ्व खँ न्यना उम्ह ड्राइभरं धाल – का जान्ने जुइ म्वाः .. व पर्यटकयात नं ला प्यता भाय् वःगु ला खः निं तर वैत छुं ज्या व ल ला ?
मेमोरी फम्र्याट
छक्व देवं छम्ह मनूया न्ह्यपुइ दुगु फुक्क हे खँ ल्वः मने माः धकाः आशिर्वाद बिल।
द्यवं न्यन छिमि कलाःया नां लुमंनिं ला ?
मनुखं खुरुक्क धायेक लिसः बिल ।
द्यः मेमोरीला फोम्र्याट यानागु खः तर भाइरस धाःसा मवंनिं खनिं । मनमनं धाल
वासःया नां
कलाःम्ह डाक्टर साब जिमि भाःत न्ह्याब्लें न्ह्यलय् पारापारा हालाच्वनिं ।
डाक्टर अय्सा थ्व वासः च्वयाबि । छिमि भाःत आ याउँक न्ह्यः वइ ।
कलाःम्ह मखु मखु डाक्टर साब । जितः न्ह्यलय् प्रस्त जुइक न्ववाये फइगु वासःया नां माःगु का ।
