भविष्यया संवाद
याकनं छुं बर्ष लिपा हे कलाःभाःतया ल्वापूया संवाद थथे जुइ ।
कलाःम्ह मस्यु गज्योगु इलय्.. जिं छंगु पे्रmण्ड रिक्वेस्ट एसेप्ट याये लात का ।
भाःतम्ह शायद जिगु न्ह्यपुइ गोबर जायाच्वन जुइ अबलय् ..
छंगु किपातय् नाइस पिक धकाः च्वयेलात ।
कलाःम्ह जिगु नं न्ह्यपुइ छु लानाच्वन जुइ । जिं नं बेकारय्
छंगु पिक्य् ह्याण्डसम लुक्स धकाः कमेन्ट याये
लात ।
भाःतम्ह छन्त ला जिं उब्लय् हे अन फ्रेण्ड याना बी माःगु ।
कलाःम्ह छन्त जिं अब्लें हे ब्लक यानाब्यूगु जूसा थौं थ्व दिन
मवइगु जुइ ।
हेयेके धाधां
कलाःम्ह तंचायाच्वंगुलिं भाःतम्हेस्यां हयेके धकाः सुथय् न्हापां दना फ्रिज चायेका दुरु देछुल । तर आधा घण्टालिपानं दुरु दासि हे मवः । लिपा वनां वाःचाल वला चटांमरी छुइत जाकीचुं लखय् संकातःगु खनी । थौंनं भाःतम्ह द्यांलाना द्यने माल ।
अनुसन्धान
छगू अनुसन्धान कथं मांपिन्सं थः मस्तय्त तसकं हे तःतःसलं ब्वःबिइगु कारण धैगु थुगु सः ताया भाःतपिंनं ग्याये माः धैगुलिं खः ।
विशेषता
पामिभा छं जिके छु गुण खना व्याहा यानागु ?
कलाःम्ह न्हापा छक्व जि व्याहा याये न्ह्यः थन छेँ क्वं वनागु
इलय् छि कसिइ च्वना वसः हियाच्वंगु खना अले
लिहां वयागु इलय् भारा सिलाच्वंगु खना । खने सातकं
हे जिं छित मनमनं भाःत नाला ।
ल्वापू
कःलाम्ह न्हिच्छी छुं हे ज्या याइ मखु । खालि जि हे छम्ह ला
दु निं । वसः हिइ माःसां, जा थुइ माःसां, मखु जितः
छुं ला ग्वाहलि याना बिइ ज्यु निं ।
भाःतम्ह ल्वमनला म्हिग तिनि छंगु क्याण्डीक्रसया लेभल ६५ पार याना बियागु ?
