वाइनया खँ
कला व भात क्वथाय् च्वना वाइन त्वनाच्वन ।
आकाझाकां कलाम्हेस्यां न्ववात ।
कलाम्ह आइ लभ यू ।
पामिभा हँ… थ्व छं न्ववानागु की छं त्वनाच्वंगु वाइनं न्ववाःगु खः ?
कलाम्ह थ्व ला जिं वाइन लिसे खँ ल्हानाच्वनागु का…
कैदी
१२ बर्षया जेल सजाँय फयाच्वंम्ह मनू आखिरय् छेँ लिहाँ वल ।
छेँ थ्यनेवं हे ल्वापू शुरु जुल ।
कलाम्ह छ गन वनाच्वनागु ? छंगु फयाच्वंगु सजाँय्या ८ दँय्
थ्यंबलय् हे छ जेलं बिस्युंवन धाःगु निं ।
निखें मतिना यात धाःसा
धुंचां छखेँ जक मतिना यातकी छु जुइ ?
सिचां कवि जुइ .. कविता च्वइ ।
धुंचा निखें मतिना यात धाःसा ले ?
सिंचा मचा बुइकी ।
कुँखिना
कलाःम्हेसिया न्ह्यलं चाल । नापं छकू भ्वँ दु । भ्वँतय् च्वयातल – जिं छं कंूखिंगु सहयाये मफूत । मिखा अय्यक चायेकल । भाःतम्ह ला सिलिंगय् पाशा दयेका यग्गानाच्वन । कलाःम्हेस्यां हत्तरपतर भाःतम्हसेया तुति ल्ह्वना बुयाः क्वकाल । भाःतम्ह अचेत । कलाःम्हेस्यां छाति दाया सासः ल्वाका.. सासः बिल । भाःतम्हेसिया सासः थहाँ वल । बुलुँहु मिखा कन । न्ह्योने कलाःम्ह खन । कलाःम्हेस्यां तम्वयाः धाल
– कुँखिंगु यात छं कूंखिगु धकाः च्वयेगु ला ?
मौका
कलाःम्ह डाक्टरसाप जिमि भाःत न्ह्यलय् हालेगु बानी
जुल । आः छु याये ?
डाक्टर अथे खःसा छि भाःतयात ज्वलय् न्ववायेगु मौका बिइ माल का ।
कम्प्लिमेन्ट
कलाःम्ह जि थौंकन्हे तसकं हे ल्ह्वन हला .. । जिगु मन
तयेत छं जितः छुं धाः ले ।
पामिभा छंगु मिखा अझं न्हापा थें हे त्यल्लानि ।
छु बांला ताः
कलाःम्ह छंत जिगु छु बांला ताः… ? जिगु तिमिलाथें चाकलाःगु ख्वाः की जिगु सेक्सी म्हगः की ..
जिगु बालाबाचिंगु मिखा की… गुलाफ थें जिगु म्हुतिुसि ?
पामिभा जितः ला छंगु सेन्स अफ ह्यूमोर जक यः ।
देवी
मनू १ जिमि कलाःला साक्षात देवी का।
पामिभा खः ला.. जिमि कलाःला मसिनी । भचा निरास जुयाः धाःल ।
ल्वापू
कलाः व भाःतया तच्वकं ल्वापु जुल । कलाःम्हेस्यां सुटकेश प्याक याना वांछ्वया बिल । भाःतम्हेसित पिहां हुँ धाल। भाःतम्ह छुं याये मफूत । सुटकेश ज्वना लखर लखर पिहांवनेत्यन । अबलय् नं कलाःम्हेसिया तँ क्वमला…
कलाः छ ला घितिघिति पनां वाच्यां च्वना सिइ मा ।
भाःत अय्सा जितः वने म्वाल थन हे च्वं धयागु ला ?
फिटिंग
कलाः च्यादँ तक्क मफिनागु वसः । अझं थिक्क का ।
भातः हरे थ्व ला गा खःनिं ।
वस्त्रदान
कलाःम्ह जिं जिगु पुलांगु वसः दान यायेत्यना ।
भाःतम्ह छाय् ले ?
कलाःम्ह ता कि सुँ गरीव नयेमखंपिन्सं वसः फिइ खने मा ।
भाःतम्ह आः.. छंगु साइजया वसः नयेमखंपिं गरीबतय्त फिट्
जुइ धकाः च्वनागु ला ?
