हिसाब
पामिभा जितः थ्व महिनायागु खर्च हिसाब माल ।
कलाम्हेस्यां च्वयेगु शुरु यात । ८००० दै.ज.स्यु । ४००० दै. ज. स्यु. ।
३५००० दै. ज. स्यु ।
पामिभा छु खः थ्व दै ज स्यु ?
कलाम्ह दैबं जक स्यु ।
अय्लाखं लगे जुइगु
धुंचा ः ग्लास खाली याक्व पतिकं छं म्हिचा लिकया छु स्वया च्वनागु ?
सिंचा ः जिमि कलाःया किपा
धुंचा ः छाय् छ कलाः खना तसकं हे ग्याः ला ?
सिंचा ः मखु, गवले व जिमि कलाःया किपा जितः बांला ताइ, अले जिं सिइका कायेफइ कि जितः आः अय्लाखं लगे जुल धकाः ।
मतिनाया परिभाषा
धुंचां ः आइ लभ यू …
सितंली ः आइ लभ यू टू
धुंचां विचाःयानाच्वन व टू खःसा वान सु जुइ
कलाःचिया लिसः
कलाः ः छि अय्लाखं लगे जुया वइगु जितः तसकं यः धयां
भाःत ः धात्थें खः ला ?
कलाः ः खःनि म्हिग छि अय्लाया सुरय् चिपः फुक्कं सिला बिल, अले जिगु तुति नं तीका बिल नी ।
थौंकन्हेया विद्यार्थी
मां ः का स्वः, होमवर्कय् न्ह्यावलें स्टार हइम्हेसिनं आः जिरो का हःगु
मचा ः व जिरो मखु । म्यामं सकसितं स्टार बियाछ्वल । जित बीत
स्टार फूगुलिं मुन बियाहःगु का ।
बेइमान पासापिं
कलाः ः अपाय्च्वकं नं अय्ला त्वने धयागु दइला ? लँय् हे ग्वारा ग्वारा तुइक
सिंचा ः थ्व फुक्क खराब पासापिनिगु संगतय् लाना खः नि !
कलाः ः व हे ला धयागु नि……
सिंचा ः गुलि बेइमान पासापिं धाये आः ! छगः सिसि अय्ला । स्वम्ह
स्वम्ह ला अय्ला मत्वना धकाः धाइपिं का ! बेइमान त ! विचरा
जि याकःचां त्वनेमासेलिं !
सिंचाया चिन्ता
मिसा ः छि बिना जि च्वने हे मफुत । झी याकनं इहिपा यायेनु ले !
सिंचा ः आसे ! छकः छेँय् न्यना स्वये, माने जुइला मजुला ?
मिसा ः छु छिमि बा मांपिंन्सं छं धाःगु खँ न्यनी मखुला ?
सिंचा ः जिमि मां अबुयात जिगु छुयात छुं हे वास्ता मदु, छ नाप ब्याहा यायेगु खँय् जिमि छेँ कलाः व मस्त माने जुइगु खः कि मखु धकाः चिन्ता च्वन धयागु का !
पारपाचुकेथाय्
काउन्सलर का थनतक्क गथे याना वये लातः ले ?
कलाम्ह जिगु हरेक सामानय् वं थःगु अधिकार क्यनीगु ।
जितः छुं हे कथंया स्वतन्त्रता मन्त ।
पामिभा जि ला माइक्रोय् …
फाइभस्टारया खाना
पामिभा व वयाकला छगू फाइभस्टार होटलय् वनां नः वन । वेटरं खाना तये हल ।
पामिभा का नसां जिल । नं …।
कलाम्ह तर छिं ला छेँय् न्ह्याब्लें नये न्ह्यो द्यःया नां
छक्व काये माः धकाः धैम्ह । थन पिने जुयाः नां
काये ल्वमनकी छु ?
पामिभा खः .. वला छेँय् तर थन च्वंम्ह सेफं खाना गथे याना
दयेकेमाः धकाः स्यु निं सा ।
सिंचाया न्ह्यसः
सिंचा बा बा.. मिस्तय् ब्याहा मयायेकं म्ह हे सिइ मखु धाःगु
खः ला … ?
बौम्ह खः पुता खः … ।
(मिखाय् ख्वबि लः लः धायेका..)
