घाः प्वलेगु
पामिभा छिमि बाःयात लने धुंकुगु घाः प्वले तसकं हे न्ह्यां थें च्वं ल्हा..
कलाम्ह छाय्… छु जुल?
पामिभा आ नापलातकी हे न्यनाच्वनि.. जिमि म्ह्याय् लिसे ब्याहा याना फुक्कं थिक ला जुयाच्वंगु दु निं मखुला ?
कलाया खँ
छु छि कलाःम्हं छिं धाःगु खँ मन्यं ला ? …..
यक्व ध्यान बियाः ब्वनादी मते …
सुयांनं कलापिंन्सं भात पिंन्सं धाःगु खँ मन्यं ।
थुकीया छुं वासः नं मदु न्हिं ।
गब्लें उदास गब्लें न्हिलि
मनू १ म्हिगः छ गज्योगु उदास । ख्वाः हे खिउँसे च्वं ।
पामिभा म्हिगः जिमि कलानं जिके ५००० दां कयाः पर्सि न्यां वन
का ।
मनू १ तर थौं ला छ साप हे लय्ता खनेदु ।
पामिभा खः.. थौं जिमि कला व हे पर्सि सिनां छिमि कलायात नापलाः
वंगु दु ।
पारपाचुकेगु बिचाः
कलाम्ह का जितः च्या छगू कप दायेका हयाब्यु ।
पामिभा छु…. ?
पामिभा तम्वयाः छेँ नं पिहांवनेत्यनिं ।
कलाम्ह गन वनेत्यना ? च्या छगू दायेकी धयांला…
पामिभा छं जित थथे हेपे यायेगु का मखुला ? जिं छन्त आ हे
पारपाचुके। जि वकिल थाय् वनेत्यना ।
पामिभा सरासर वकिल थाय् वनिं । तर भचा जायेका छेँ लिहां वइ । भुतुलिइ वनिं अले च्या दायेका हइ ।
कलाम्ह छाय् छिं ला जिलिसे पार पाचुके धकाः वकिलथाय् वनागु
मखुला?
पामिभा खय्त ला खः तर व वकिल हे छेँ भारा सिलाच्वन का ।
पासाया ज्या
पामिभां थः पासा छम्ह नापलात ।
पासा छु दु हालखबर। थौं कन्हे छु यानाच्वना ?
पामिभा थौं कन्हे ला जिं छगू रिसर्च यानाच्वना । ब्त्रगब(तजभचmब ि
तचभबतmभलत या अभचबmष्अक, बगिmष्लष्गm बलम कतभभ िगलमभच ब अयलकतचबष्लभम भलखष्चयलmभलत
पासा छु छं जितः झंगः लाये माःला ? । खुरुक्क छेँ च्वना भारा
सिलाच्वना धाःसा ला गा हे गाः निं ।
एडमिन
छगू अध्ययन कनं छेँ कला खनां ग्याना छुं यायेमफूपिं मिजंतय्सं फेसबुकय् पेज चायेका एडमिन जुइ हँ ।
डाक्टरथाय्
पामिभा व कलाम्ह डाक्टरथाय् क्यंवन । भाःतम्हेसित पिने छ्वयाः डाक्टरं कलाम्हेसित धाल –
डाक्टर स्वयादिसँ । आ छि भाःतयात साः साःगु भिंगु व पौष्टिक युक्त नसा नके माल । न्ह्याब्लें लय्तायेका तयादिसँ ।
न्ह्यिुख्वाः वयेका तया दिसँ । तनाव बियादी मते । सिरियल नं मक्यंसा ज्यु । न्हूगु वसः माल वा न्हूगु तिसा माल धकाः तनाव बियादी मते । थथे याना खुला तक्क तयादिल धाःसा छि भात अथें थिक जुइ । छुं वासः यानाच्वने मालि
मखु ।
कलाम्ह छ्यों ल्हुकु ल्हुकु संकाः च्वन । अनं निम्हं छेँ वन । छेँ वनां भाःत म्हेस्यां न्यन । डाक्टरं छु धाःल ?
कलाम्ह ग्वः छु धाये । डाक्टरया कथं आः छि यक्व म्वाइ मखु हँ ।
बाखँ कँ
सिंचा मां न्ह्यो वल । बाखँ छपू कँ ले ।
मांम्ह ग्वः जितः बाखँला कने मवः । भचा आसे छिमि बाः वइ ।
छाय् लिबाक्क वयाः धकाः जिं न्यने अले ला स्वपू प्यपू
बाखँ तुरुन्त हे कनि छिमि बाः नं ।
म्ये कै वल
कलाम्ह स्वले जिगु म्ये प्याच वल ।
पामिभा निन्हु प्यन्हु म्हुतुयात आराम नं माल निं ।
न्हापा छु यानादी ?
मिजं १ न्हापा छिं छु यानादी ?
पामिभा मतलब
मिजं १ व्याहा न्ह्यो छु याना दी ?
पामिभाया मिखां ख्वबि सुल्ल हाल ।
पामिभा न्हापाला छु छु न्ह्यां व व यायेगु का ।
