पामिभाया न्हूगु जागिर
छम्ह मन्त्रिया ड्राइभर कथं ज्या दत पामिभायात ।
मन्त्रींया छगू गामय् वनां भाषण याः वने माःगु ।
गामय् लँय् ववं न्ह्योने खिचा छम्ह वल । मोटरं क्यल । गाडी दुर्घटना जुल। गाडी स्यन ।
मन्त्रीं पामिभायात गामय् गनं मेकानिक दु ला धकाः मायेका छ्वल ।
भचा जाय्वं पामिभा स्वांमा क्वखाना वल ।
मन्त्री अजू चाल । छाय् स्वांमां क्वखाना धकाः न्यन ।
पामिभां लिसः बिल – जिंला गामय् च्वंपिंन्त जि मन्त्रीज्युया ड्राइभर । मन्त्रीज्युया गाडी दुर्धटना जुल अले खिचा सित धयाःगु । फुक्केस्यां……
छगू न्ह्यसः
मिजंतय्सं मिसातय्त जि छंगु मिखाया सागरय् दुबे जुया सित धकाः धाइ । आ इमिगु लाश व सागरं सुनां लिकाइ ?
भातया मोबाइल
कलाःम्हेस्यां भाःतया मोबाइलय् स्वयाच्वन । मोबाइलय् स्वम्हेसिया नामय् नां सेभ यानातःगु लुलु ।
– जितः माया याइम्ह
– जितः योम्ह
– जिगु म्हगसया लानी
थ्व खनेवं कलाःम्हेसित तँ वल ।
वं न्हापांगु फोनय् कल यात । कल धाःसा थः हे मां नं ल्ह्वन ।
निगूगु नम्बरय् फोन यात । फोन भाःतम्हेसिया क्येँनं ल्ह्वन ।
स्वंगूगु फोन नम्बरय् फोन यातं थःगु हे नम्बरय् फोन वल ।
थथे सियाः कलाम्हेसित तसकं हे पश्चाताप जुल । थः भाःतयात बेकारय् शंका याना धकाः ह्वाँय् ह्वाँय् ख्वल । कलाःम्हेस्यां भाःत यात थौं छक्व पासापिंलिसे पार्टि याना वाः धकाः अनुमति बिल । झिद्व दां नं बिल । भाःत म्हेस्यां धाःसा तुरुन्त हे राजु मेकानिकयात फोन यात गुगु नामय् थः गर्लफ्रेन्डया नांमय् सेभ यानातःगु खः ।
स्वर्गय् वनेगु खःसा
स्वर्गय् वनेगु खःसा मांया तुति तिइकी।
बस मां मां जुइमा। छि थःहे मां वा छि मचाया मां ।
डाक्टर धायेवं दक्वं सिइ ला ?
पामिभा डाक्टर साप जिमि कलाःयात एपेडेक्सय् स्यानाच्वन ।
डाक्टर म्वाः मदुगु खँ ल्हाइ । छिमि कलाःया एपेंडेक्सया निदँ न्ह्यो तिनि अपरेशन याना बियागु निं । हाकनं गन बुयाः वइ
धकाः …। किड्नी स्यात जुइका वैत ।
पामिभा डाक्टर धायेवं फुक्कं छिं हे सिइला ? छु मनूतय् मेम्ह कलाः दइ हे मखु ला ?
एक्टिभा
प्रेमिका एक्टिभा छाय् कयाःगु ? स्टाइलिस बाइक काये म्वाः ला ?
प्रमि आः बाइकय् च्वनाः कोक, सोडा, चिप्स छं ज्वनाः वनेगु न्ह्यइपुसे च्वनिं ला ?
प्रेमिका व ला खः …। एक्टिभा हे थिक जु ।
रिद्धि व सिद्धि
गणेद्यःया निम्ह कला दु । रिद्धि व सिद्धि ।
मनूया छम्ह हे जक कला दइ । व तसकं हे जुइ जिद्दि
रुमाल छक्व हजि सा..
भातम्ह बाथरुमय् म्वल्हुइ सिधल । बाथरुमं हे कलाम्हेसित सः तल ।
‘अय्…. रुमाल छक्व हजि सा ।’
कलाम्हेस्यां तम्मं लिसः बिल । – ‘ म्वः ल्हुइत रुमाल ज्वना वने माः धकाः मस्यु ला ? आः जा निं थुइला की छन्त रुमाल नि हया बी ?…. आः प्याःगु गन्जी व कट्टु अथें बँय् तयाःतःगु नं जिं हे तिस्सीना बिइमानि जुइ । म्वः ल्हुइ धुंकाः वाइपर नं गुब्लें सफा याइ मखु । मत नं जिं हे स्याःये मानिं जुइ । हाकनं प्याक्क प्याक्क पिहांवयाः लबु दुच्छि लः लाकीतिनिं । म्हिंग तिनि ज्या याइम्ह मिसा व हे लखय् चुलुयाः दया स्वन्हु दत ज्याः याः मवःगु । फुक्कं जिं यायेमाला च्वंगु दु …..
भातःम्ह लिसः हे बिइ मब्युसे लुखरु लुखरु पिहांवल ।
एक्सिडेन्ट
पामिभा छेँ लिहांवल । ख्वाः हे मना वः । कलाःम्हेस्येस्यां ग्याना न्यन । – ‘छाय् छु जुल ?’
पामिभा एक्सिडेंट जुल का ।
कलाम्ह गथे याना ले ?
पामिभा छु नं मखु । छम्ह मिसां जितः स्कुटरं नकाः वन का । ख्वालं
चुवनां जवगु ख्वाः हे मना वल का ।
कलाम्ह अय्सा स्कुटरया नम्बर मस्वयाला ?
पामिभा अहँ… स्यानाच्वन जिं ला अथे छुं लुमंके मफुत ।
कलाम्ह स्कुटर गज्योगु रंगयागु ले सा ?
पामिभा ग्व अथे थथे धकाः छुं हे धाये मफुत ।
कलाम्ह आग्छाय्…. छुं हे लुमंके मफूत ला सा ? सु जुइ… व चण्डाल मिसा ।
पामिभा अथे चण्डाल नं मखु । ख्वाः ला वयाः तुयुसे च्वं । सँ स्टे«ट
याना तःगु खः । वं चाहिं वचुगु आउटर फिनातःगु । लिपिस्टीक
चाहीं गुलाफि । म्हुतुसि च्वसं ति छगः नं दु । ल्हातय् महेंदी
तयातःगु दु । अले…..
मेगु खँ धाधां हे पामिभाया देपागु न्यताः नं आ मनावल ।
अप्सं च्वनेगु
कलाम्ह छ जिगु निंतिं अप्सं च्वनेगु खः ला ?
पामिभा जिं छन्त गुब्लें नु झी अय्ला त्वंवने नु धकाः धयाःगु दु ला ?
