नेपालभासा ख्यःया लोकंह्वाःम्ह कलाकार मय्जु रजनी खड्गीया इन्गेजमेन्ट मचाबलय् निसेंम्ह पासा सुजन कपाली लिसे जुगु दु । फेब्रुअरी २४ खुन्हु पोष्ट जूगु रजनीया ग्वय् हःगु किपाः फेसबुकय् वयेवं निम्हेसितं भिंतुना ब्युपिनिगु लहर वःगु खः ।
रजनि थौं कन्हे इमेज च्यानलं प्रसाशरण जुयाच्वंगु समयबजी सिरियलय् आबद्ध जुयाच्वंगु दु सा नेपालभासाया संकिपा माँ व जातः नं म्हिाताच्वंगु दु । तर नेपालभासाया बिड्म्बना धाःसा प्रतिभाशाली मिसा कलाकारपिं वैवाहिक जीवनय् च्वने धुंकाः नेपालभासा ख्यःयात चट्कक हे त्वताःवनीगु जुयाच्वंगु दु । थज्योगु हे अलमलय् रजनीनं तक्यनां हाकनं नेपालभासा ख्यलय् छम्ह प्रतिभाशाली मय्जु म्हो जुइगु खःला धैगु ग्याचिकु सदां हे दयाच्वनिं ।
रजनी खड्गी नेपालभासा ख्यलय् सौन्दर्य कासा बांलाम्ह मय्जु पाखें दुहांवःम्ह खः । रूप जक बांलाम्ह मखुसे थःके नं छुं कथंया ट्यालेन्ट दु धकाः रजनीं सिद्ध याये धुंकुगु दु । थुगु हे ग्याचिकु न्ह्यःसयात कयाः पेजथ्री पाखें तइगु न्ह्यसःलय् रजनी थःम्हं नेपालभासाया मनोरंजन ख्यलय् निरन्तरता बिइगु खँ नं कंगु दु ।
रजनीया नेपालभासाया प्याखँ मध्य पागलपनय् मू भुमिकाय् म्हितुगु दुसा एक सय एकय् म्हितुगु दु । म्युजिकभिडियो नं उतिकं हे दुसा मां प्याखँया हे म्ये जिगु मतिनाया जाँच .. तसकं हे लोकंह्वाःगु म्युजिक भिडियो खः ।
रजनीया इन्गेजमेन्ट सुजन लिसे गथे जुल धैगु न्ह्यसःलय् रजनीं भचा मछाला हे धाल – ‘जिपिं मचांनिसें हे म्हस्युपिं । मचाबलय् निंसें पासा । ’
पेशागत रूप छम्ह फोटोग्राफर जुगुलिं सुजन नं थुगु हे मनोरंजन ख्यलय् आवद्ध दु । निम्ह तिपूयात वइगु दिनया पेजथ्री पाखें भिंतुना ।
