- मां बेखामाया व बौ पंचरत्न महर्जनया राजभाई निमम्ह काय् खः । राजभाइया दाजु छम्ह व किजा छम्ह दु ।तिरिमय्जु कमला व काय् विभास महर्जन सुवाल दु ।
- राजभाइया महर्जन परिवारं जुसां राजभाइ नं थःगु जात सुवाल धकाः तयातःगु दु । न्हापा स्कूल भर्नायायेगु इलय् राजभाइया जातय् अलमल जुयाः भर्नायाना ब्युम्ह मनुखं सुवाल धकाः च्वयाब्युगु जुयाच्वन।
- राजभाइ सुवाल ३ क्लासय् न्हापांखुशी दबुलिइ वना नाचन झिल्के नाच न बोलया म्ये प्याखँ ल्हुगु खः ।
- १३ बर्ष दुगु इलय् हे राजभाइ नं सुनिता सिलाइ प्रशिक्षण केन्द्रं वसः सुइगु (फेशन डिजाइनया) डिप्लोमा कोर्स याःगु खः । मचां निसें राजभाइयात फेशन डिजाइनर जुइगु इच्छा दुगु जुयाच्वन ।
- राजभाइ सुवालं न्हापांगु वसः तयार याःगु बापत १.७५ तका कमेयाःगु खः । ४ बर्ष लिपा राजभाइया तलब लच्छिया २०० तका थ्यन ।
- सिलाइ लिपा राजभाइ नं सिद्धार्थ सिसु निकेतनय् आवद्ध जुयाः मस्तय् स्यनेगु नं ज्याः याःगु दु । मस्तय्त प्याखँ हुलेगु, म्ये हालेगु व संगीत स्यनेगु मास्तरया जागीर नं नःगु दु । उगु इलय् राजभाइया तलब ४०० तका ।
- छेँय् तःधिम्ह दाजुं हयाःतःगु भिडियो क्यामरा छगः खनां उकिइ हे मन तयाः ज्या यायेगु शुरु यात ।
- राजभाइ सुवालं भिडियोग्राफि याःसें नेवाः प्याखँ व नेपालि भिडियो प्याखँनं छायांकन यानातःगु दु । चरित्र व न्हिला न्हिला हुँ नेवाः प्याखँ राजभाइ सुवालं खिचेयानातःगु खःसा नेपाली प्याखँ कलाकार, जुत्ताखाने बुहारी, आइ लभ यु, मायाजाल थें मेमेगु प्याखँ नं राजभाइनं हे छायाँकन यानातःगु खः ।
- कृति अवार्डय् न्हापांखुशी राजभाइ नं अवार्ड त्याकुगु खः । जोली ड्रिंकया निंतिं थुगु सिरपा ब्युगु खः । अनं मेगु निगु बर्ष तक्क नं राजभाइनं अवार्ड त्याका ह्याट्रिक जु वंगु खः।
- राजभाइयात छ्ययनय् त्वँ दाया तसकं हे समस्या जुयाच्वंगु व त्वँ पाखें गथे याना छुटकारा कायेथें जुयाच्वंगु खः । दरवार हत्याकाण्ड लिपा जुजु मदय्वं व हे त्वलय् सँ खाना बिल । अनं लिपा पाचुगु छ्यों हे राजभाइया टे«डमार्क जुल ।
- राजभाइ १३ बर्ष ति जुगु इलय् आखः बांलाक्क ब्वनेमफुगु त्वहलय् छेँय् ब्व बिल । छेँय् त्वता वने धकाः राजभाइ पिहांवन । लिपा तिंख्यः छचा चाःहिला छेँय् हे तुं लिहांवल ।
- राजभाइ नं मोटर साइकल गये सयेकुसां ८ बर्ष लिपा हे तिनि लाइसन्स काल । बिना लाइसन्स ८ बर्ष तक मोटर साइकल गःसां ट्राफिकं धाःसा गुब्लें ज्वंके मनं । थुकीया कारण खः राजभाइनं ट्राफिक नियम गुब्लें हाचां गायेगु मयाना हँ ।
- राजभाइ नं जिवनय् स्वन्हु जक फुटबल म्हितुगु दु आतक्क । मचाबलय् छन्हु म्हितल ।उकिया कन्हे कुन्हु म्हितुगु इलय् बलं लानां घाःपा जुल । अनं लिपा फुटबल हे मम्हितल तर स्वःकगु फुटबल धाःसा दच्छिति न्ह्य कलाकार व बिज्ञापन संघया दथुइ जुगु कासाय् विज्ञापन संघ पाखें म्हितल ।
- क्याम्पस ब्वनाच्वंगु इलय् आर आर क्याम्पसय् राजभाइ नं भोकल व पत्रकारीता कया ब्वंगु खः । उगु इलय् राजभाइया म्ये थःगु हे सलय् रेकर्ड मजुसां राम साय्मियात तिमि जुन बनेर आउ धकाः हायेकुगु खः ।
- शंकर होटलय् राजभाइनं छुं इया निंतिं डान्सर जुयाः नं ज्या याःगु दु । डान्सया ट्रेनिंग व इन्र्टन कथं निदँति अन आवद्ध जुगु खः ।
- राजभाइनं न्हापांगु क्यामरा न्याःगु मिनोल्टा खः । २०४३ सालय् उगु क्यामराया मू ६००० तका खः ।
- राजभाइ सुवाल न्हापांखुशी जज्या भुमिकाय् सन १९९७या मिस नेपालय् च्वंगु खः । मिस फोटोजेनिकया निंतिं राजभाइ जज् च्वंगु खः ।
- विश्वया७ आश्चर्य स्वयेगु राजभाइया इच्छा दु । आ तक्क पेरिसया आइफिल टावर व भारतया ताजमहल स्वयेधुंकुगु दु सा ल्यं दुगु न्यागु आश्चर्य स्वये ल्यं दनिंगु वय्कया धापू दु ।
- थी थी पत्रिकाय् किपाः पिहां वःसां पत्रिका कभरया निंतिं धकाः राजभाइनं न्हापांखुशी कलाकार आवाजया निंतिं नविना श्रेष्ठया फोटोशुट याःगु खः । ग्लस दुगु भ्वंया निंतिं धाःसा एड्भेन्चर नेपालय् सिनरीया किपा पिहांवःगु खः ।
- राजभाइनं जीवनय् चुरोट गुब्लें मत्वं । सार्वजनिक समारोहय् नं गुब्लें अय्ला मत्वं । सन २००१ निसें शाकाहारी जुयादिगु खःसा २०४७ साल निसें हे विपश्यना ध्यान यानाच्वंगु खः ।
