- झी मनू थःथम्हं तसकं हे साधारण थें ताय्की । तर नं झी दुने थुलि असाधारण खँ त दु की सुनांन थज्यागु खँय् वाचायेकाच्वंगु मदु ।
- छम्ह साधारण मनुखं जिवंकाछि १८ टन खाना नइ अले १२००० ग्यालन लः त्वनि । अथे हे खानाज्वलं न्हिं ३०० तक नसाज्वलं धुर्का प्वाथय् थ्यंकाच्वंगु दइ ।
- छम्ह साधारण मनुखं थःगु जीवंकाछिया ९ दँ टिभि जक स्वयाः फुकाच्वंगु दइ । थ्व हे दौरान मनुखं २० लाखं मल्याक्क वं टिभिया बिज्ञापन स्वयेधु्ंकुगु दइ ।
- मनुखं दच्छि दुने प्यंगु किलों मल्याक्क थःगु छ्यंगुया मृत कोष वांछ्वयाच्वंगु दइ । अथे धैगु न्हिं १० लाख कोष वांछ्वयाच्वंगु दइ ।
- छम्ह मनुखं औसतय् न्हिं १४क्व वायु पिछवयाच्वंगु दइ । थुकीयात मुंका लनास्वल धाःसा थ्यंमथ्यं ४५० एम एल थ्यनिं ।
- छम्ह मनुखं औसतय् १२ लाख किमि जिवनकाछि चाःहिलि । अथे तुं दच्छि तकया ई अफिसं छेँय् व छेँ नं अफिस जुयाः सिघयेकी ।
- छम्ह औसत मनुखं जिवंकाछि न्यासिवंगु पलाख्वाँय् ल्या खाल धाःसा वं थ्व पृथ्वी छचाः याँउक हे चाहिले धुंकी ।
- छम्ह मनुखं जीवनया औसत ई कथं २५ बर्ष द्यद्यं हे फुकी । जबकी न्ह्यः वयेकेत औसतय् ७ मिनेटया ई दयेवं गा ।
- औसतय् छम्ह मनूया न्ह्यपुं मद्दिक्क हे १० वाटया मत च्याकेत गाक्क उर्जा बियाच्वंगु दइ । थुगु उर्जा द्यनाच्वंसां नं उत्पादन जुयाच्वंगु दइ ।
- छम्ह साधारण मनूया म्हुतुइ १००००रं मल्याक्क सवाः लुयाच्वंगु दइ । तर जीवन न्ह्याना वं लिसे ६० प्रतिशत सवाः कायेगु क्षमता मदया वनी ।
- औसतय् जवगु ल्हाः छ्यलिपिं मनूत देपागु ल्हाः छ्यलिपिं सिबें ९ बर्ष यक्व म्वाइ ।
- छम्ह साधारण औसत मनूयाके ५००० निसें ६००० शब्दया भण्डार दयाच्वनि ।
- छम्ह साधारण मनुखं ५०,००० कथंया थी थी नस्वाः म्हसिकेगु व लुमंकेगु क्षमता दयाच्वनी ।
