१. दकलय् न्हापां छिगू हरेक दिनय् त्यानु पह दइ छाय्की दनेवं हे मयःपिं मनूत नापलाये मानी धकाः लुमनी ।
२. थःगु व्यक्तिगत नर्कय् लसकुस यायेत मयःपिं मनूत धित्तुधिनां छि नाप खँल्हायेत वयाच्वनिं ।
३. छिगु उर्जाशक्ति फुक्कं हे मयःपिं मनुखं मखनेमाः धकाः मिखा चाः चाः हुइकीगुलिइ खर्च जुयाःच्वनि ।
४. ज्युसा मयःपिं मनूया मिखाय् मल्ता चि छ्वाके मास्ती वयाःच्वनिं ।
५. स्वतन्त्रताया हनन् जुगु अनुभव जुइ जब सुं मनू जबर्जस्ती खँ ल्हाः वइ छाय्की अबलय् छिगु न्हाय्पनय् इएर फोन तयाः म्ये न्यनाच्वंगु दइ ।
६. छि पासापिं अज्यापिं जक हे जुयाच्वनिं गुपिंसं नं मेपिं मनूतय्त ययेकाच्वंगु दइमखु ।
७. मयःपिं मनुखं हाछिका जक तःसां दुनं निसें तं पिहां वइ ।
८. मयःपिं मनु खनकि हे दिमाग या पारा अथें थहांवनिं ।
९. छित लिफ्टय् च्वनेगु यइमखु छाय्की अन म्हमस्युपिं मनूत यक्व नापलाइ अले मयःपिं मनू नाप लिफ्टय् च्वने माली ।
१०. दक्लय् दिक्क याइपिं सेल्सय् वइपिं वा मार्केटिंग याइपिं लानाच्वनिं । ‘छित छुं ग्वाहलि याये ला?’ धकाः धाय्वं हे कपाः स्याइ ।
११. मद्दिक्क जवाःफ बियाच्वनेगु सिबें बनावटि न्हिलाबिइगु छित यया च्वनिं ।
१२. मयःम्ह स्वयाः भावहीन जुयाःच्वनेगु ख्वापाः पुनातःथें जक खः । ज्युसा थःके दुगु फुक्क हे ख्वाया भाव मयःम्हेसिया न्ह्यने ब्वये मास्ति वयाच्वंगु दइ ।
१३. मनय् शान्ती ब्वलंकेगु सिबें मनूत हे न्ह्यने मवःसा ज्यू धैगु छिगु धारणा जुयाच्वनिं ।
१४. बिदाया दिन जुसां गनं पासापिं नापलाना न्ह्यइपुकेगु वा छेँय् हे च्वनेगु धकाः निगु बिकल्प दयाच्वनि तर नं छिं छेँय् सुम्क च्वनेगु बिकल्प हे छि त यइ ।
१५. मयःपिं मनूतय्गु धलः हे छिके दइ ।
१६. दिंनया अन्तय् छम्ह हे जक मनू खनां छिगु मन लय्ताइ । न्ह्याकं स्वयेगु इलय् ।
