नेपालभाषाया मनाेरंजन ख्यलय् छगू आशाया जः ज्वनाः तिबः संकिपाःया ट्रेलर व प्याखँया हे छपू म्येया प्रिमियर सानेपाया हेरिटेज गार्डेनय् जुल । ताः इ निसें हे नेपालभाषाया संकिपा पिदनाच्वंगु मदुनि । मनाेरंजन क्षेत्रया तापानाच्वंगु दुरीयात सतिकीगु आज्जु नेपालभाषा ख्यलय् तिबः प्याखँया खनेदु ।
ज्याझ्वः पन्नाकाजी रंजित व कमला रंजित (संकिपा निर्माता सर्जु रन्जित या बाः व मां) या सभा नायःसुइ न्ह्याःगु खः । ज्याझ्वलय् संकिपाया कलाकार एवं प्राविधिक पिंत खादां न्ययेका सम्मान याःगु खः ।
प्याखँया टिजर लिपा हे मनांगया साेलुखुम्बुइ ४००० मि हाइटं च्वय् सुटिंग जूगु मनाेज महर्जन व सृष्टि महर्जनया अभिनय दुगु म्ये मन छंके दुने सुला च्वन नं प्रिमियर जूगु खः ।
थुकथं हनेज्या यायगु झ्वलय् सुशिल राजोपाध्यय, आशाकाजी थकु संघरत्न शाक्य लगायत आपालं कलाकारपिन्त हंगु खः । नापं थुगु संकिपा गथे खः धैगु खँ नं सकिपाया निर्देशक रवि सायमिं बःचाधंगु खँ कनादीगु दु । उगु ज्याझ्वलय् संकिपा समिक्षक विजय रत्न असंबरे, अमर चित्रकार, संकिपाया निर्माता सर्जु रञ्जितपिन्सं नं थःथःगु नुगः खँ तयादीगु खः ।
