नेपालभाषाया सांगीतिक ख्यलय् मद्दिक्क पलाः न्ह्याकाःच्वंम्ह मय्जु सुमन मानन्धरया न्हूगु म्ये वनेमते जितः त्वताः पिदंगु दु। थुगु युगल म्येय् सुरेनमान शाक्य लिसें हालातःगु दु । म्ये दिवंगत् विनोद हृदय शाक्यं च्वयातःगु खः । थुगु म्येया संगीत सुरेन मान शाक्यं तयातःगु दुसा संगीत संयोजन श्याम महर्जनं यानातःगु खः ।
म्येय् अमोघवीर बज्राचार्यलिसें आराध्या लक्ष्मी खड्गीया जोडी दु । थुगु म्ये आराध्या लक्ष्मी खड्गीं हे परिकल्पना, कोरियोग्राफी व निर्देशन यानातःगु दु । म्येया छायाँकन व सम्पादन सोहन मानन्धरं यानातःगु दु ।
निम्ह मतिनामिया विछोडयात थुगु म्येया भावं धयाच्वंगु दु । छगू बाध्यतां निम्ह मतिनामि बायाः वने माःगु परिस्थीतिइ म्हिग नं यक्व हे बाखं, प्याखं तयार जुइधुंकुगु खःसा थुगु खँ थौंया ई तक्क नं यथार्थ परिवेश जुयाःच्वंगु दु । म्ये च्वमि विनोद हृदय शाक्यं थुगु परिस्थीतियात कःघानां हे म्ये च्वयातःगु खः । थुगु हे म्येया भावयात कयाः अमोघवीर बज्राचार्य व आराध्या लक्ष्मी खड्गीं अभिनय यानातःगु म्ये । म्येयात मेलोड्रामा दयेकेगु कुतः यानातःगु दु ।
