मगन इन्टरटेनमेन्टया ब्यानरय्, रजिन महर्जनया लेखन व निर्देशनय् निर्माण जुगु शर्ट फिल्म “उच्च शिक्षा, एडुकेशन फर अ कमनर” या प्रिमियरया निंतिं मगन इन्टरटेनमेन्ट व कीर्तिपुर सिनेप्लेक्स दथुइ छगू सम्झौता जुगु दु । वइगु माघ १२ गते मगन इन्टरटेन्मेन्टया अफिसियल युट्युव च्यानलपाखें रिलिज जुइत्यंगु थुगु शर्ट फिल्मयात माघ ११ गते बुधबार कीर्तिपुर सिनेप्लेक्सय् बिशेष प्रिमियर शो यायेत्यंगु खः । मगन इन्टरटेन्मेन्टया निर्माण नियन्त्रक व थुगु शर्ट फिल्मया सहनिर्देशक बिक्रम महर्जन व कीर्तिपुर सिनेप्लेक्सया सञ्चालक बिजयलाल डंगोल दथुइ सम्झौता पत्रय् हस्ताक्षर जुगु खः ।
बैदेशिक शिक्षाया आपाःयाच्वंगु मोह व थुकिं छगू सामान्य परिवारय् जुइफूगु खँयात कयाः थुगु शर्ट फिल्म दयेकाःतःगु खः । लक्ष्मीकुमार महर्जन, क्रिशल श्रेष्ठ, कृष्ण भक्त महर्जन लिसें अन्य कलाकारपिनिगु अभिनय दुगु थुगु प्याखँया प्राेमाे नं पिदने धुंकुगु दु ।
लिसें थ्व हे माघ ७ गते थुगु हे फिल्ययात कयाः छगू पत्रकार सम्मेलन नं जुइत्यंगु दु ।
