नेपालभाषा चिहाः संकिपा म्यूजियमया निर्देशक रजिन महर्जनं अतिकं हे संवेदनशील बिषबस्तुया डक्यूमेन्ट्री नेपाल्स मेनस्ट्रुएल मूभमेन्टः ट्राय्किंग ट्याबुस (Nepal’s Menstrual Movement: Tackling Taboos) निर्देशन यागु दु । थुगु डक्यूमेन्ट्री १–३ जुलाईस जुइगु १८ क्वःगु अन्तर्राष्ट्रिय शर्ट फिल्म फेस्टिबल डेटमोल्डय् छनोटनं जूगु दु ।
मेन्स्ट्रुएशन अर्थात रजस्वलाया कारणं मिसा मस्तय्त दुने वइगु व्यवहार व परिवर्तनया बिषय थुगु डक्युमेन्टरी दयेकातःगु खः । थुगु डकुमेन्ट्री धनगढी, कैलाली दयेकातःगु खः । मेन्स्ट्रुएशनया इलय् मिस्तय्सं स्कुल, परिवार व समाजय् फयेमाःगु समस्या व भेदभाव गुकथं समाधान याना यंकेगु धैगु बिषयलय् थुगु कुतः जुयाच्वंगु खनेदु । समाजय् सामाजिक बन्धन लिसें मेन्स्ट्रुएशनया चेतनाया अभाव दुगु खँ डक्युमेन्टरीं क्यनाच्वंगु दु । अथेनं स्कुलया पाठ्यक्रमय् मेन्स्ट्रुएशन बिषय समावेश याःगु अवस्थाय् बुलुहुँ बुलुँहुँ समाजय् ल्यनाच्वंगु गलत मान्यता नं हिलाच्वंगु दु धकाः न्ह्यब्वयातःगु दु ।
थुगु डकुमेन्ट्री टोरोन्टो इन्टरनेशनल वुमन्स फिल्म फेस्टिभल, २०२२ व डब्लुएचओ हेल्थ फर अल फिल्म फेस्टिभल, २०२२ य् नं छनाेट जुइ धुंकुगु दु ।
