लोकंह्वाःम्ह कलाकार मय्जु पल्पसा डंगोलया फागुन २५ गते जलास्यँे प्रत्यारोपण येँया महाराजग स्थीत शिक्षण अस्पतालय् सफलतापूर्वक क्वचाःगु दु । थःगु निगलं जलास्येँ ज्या मयायेवं कलाकार पल्पसा डंगोलया भिडियो नं तसकं भाइरल जूगु खः । पल्पसा डंगोलया किड्नीया निंतिं यक्व हे पहल जूगु खःसां अन्तत नेपाया कानूनया दायरा च्वनां थः किजा अज्जु डंगोलया जलास्येँ प्रत्यारोपनया निंतिं मिले जूगु खःसा थुकीया निंतिं नं तसकं हे जतिल प्रकृया कथं न्ह्याये माःगु खँ प्रत्यारोपण न्ह्यः कनादीगु खः ।
प्रा.डा. दिव्या सिंहया नेतृत्वय् प्रा.डा. उत्तमकुमार श्रेष्ठ, प्रा.डा. प्रेम ज्ञवाली, प्रा.डा. महेशराज सिग्देल, प्रा.डा. पवन बस्याल, प्रा.डा. भोजराज लुइँटेललिसेंया पुचःलं थ्यंमथ्यं न्याघौ बिइकाः जलास्यँ प्रत्यारोपण याःगु खः।
पल्पसा डंगोलया तःधिम्ह म्ह्याय् लुनिभाः डंगोल लिसे खँ जूगु कथं छुं ई सुयातं नाप मलाकुसे पल्पसा डंगोलयात दिंतक ‘आरटीओ’स तयातःगु दुसा जलास्यँ ब्यूम्ह पल्पसाया किजा अज्जु डंगोल नं प्यन्हु न्यान्हुतक अन हे च्वनेमालीगु जूगु दु । लिसें पल्पसा डंगोलयात आ डिस्चार्ज लिपा नं छेँनं हे स्वला प्यला तक्क पिहां मवंसें च्वनेमाःगु खँ नं धयादीगु दु ।
अजर्भभेशनय् कलाकार पल्पसा डंगोलया उसाँय् नं भिनाच्वंगु जानकारी अस्पताल स्रोतं ब्यूगु दु ।
पल्पसा डंगाले लिसें अज्जु डंगोलया भिं उसाय्या कामना यानाच्वना ।
