मनोरंजन ख्यः धैगु मनोरंजन ख्यः हे खत । चाहे व नेपालभाषा मनोरंजन ख्यः जुइमा चाहे खस भाषा वा अंग्रेजी भाषा हे तर नेपालभाषा मनोरंजन ख्यःयात कुलेगु खःसा नेपाल भाषा मनोरंजन ख्यः धाये अःपु धरग्वारा तःपु धाये थें जुयाः च्वंगु दु। छथ्व नेवाःत नेवाःभाय् मनोरंजन ख्यः तब्याकेमा धकाः जीवन हे पाना च्वंगु दु धाःसा छथ्वः मनूत नेवाःभाषा मनोरंजन ख्यःयात कुंखिनेत जक जीवन पानाच्वंगु खने दु । नेपालभाषा मनोरंजन ख्यः तब्याकेत मन क्वसापिं नेवाःत ग्वाः ग्वाः दयाः नं नेपालभाषा मनोरंजन ख्यलय् सनाच्वंपिं मनूतय्सं हे वय्कः पिंन्त हतोत्साहित यायेत लिफः मस्वःसे ब्याँय् वनाच्वंगु खने दु ।
थौया इलय् टेक्निकल हिसाबं नेपालभाषा स्वयेबलय् बाबांलाःगु म्यूजिक भिडियो यक्वः हे खने दयेक वयाच्वंगु दु । संकिपा नं तधंगु वजेटं बालाक्क निर्माण जुयाच्वगुं दु तर नं मनोरंजन ख्यलय् न्ह्यचिला च्वपिं मनूत स्वकुमि न्ह्यने वयेत ग्याः चिकु पह क्यनाच्वंगु दु । खय्तला नेपालभाषा मनोरंजन ख्यःयात स्वकुमिपिंस साथ मबिउ । स्वनिगलय् दुपिं १२ लाख नेवाः मध्ये १०,००० नेवाः तय्सं जक्क साथ बिउसां झीगु मनोरंजन ख्यः तब्याना वनिं धकाः धयाच्वगुं दुसा स्वकुमिपिंसं छाय् साथ मबिलले सा धकाः अध्ययन यायेगु चलन झी नेपालभाषा मनोरंजन ख्यलय् सनाच्वनादिइंपिंसं यानावया च्वगुं खने मदु । नेपालभाषा मनोरंजन ख्यःया यथास्थितिया बारे खँ ल्ह्यायेगु खःसा तरवारया धारय् लाना च्वंगु नेपालभाषा मनोरंजन ख्यःया यथास्थिति झी नेवाःतय्सं खना च्वंगु हे यथार्थ स्थिती खः ।
अमृतचन्द श्रेष्ठ
(निर्देशक)
नेपालभाषाया मनाेरंजन ख्यःया यथास्थीति छिं गथे खंका दिया ? न्ह्यसःया लिसः ब्युसें निर्देशक अमृतचन्द्र श्रेष्ठ
