मनोरञ्जनया नेवाःइतिहास दुवाले बलय् समृद्धिया आपलं दसुत लुइके फु । उज्वगु ज्वः मदुगु इतिहास व समृद्धियात छखे तयेबलय् धाःसा न्हूगु उल्लेख्य छुं न कथंया मौलिक कला संस्कृति व कृति श्रृजना जूयाच्वंगु खने मदु । अय्न मदिक्क बिस्कं क्षमता ब्वया नेपालभाषाया भाषा, कला संस्कृति व साँस्कृतिक ख्यलय् न्हून्हूगु पूmचाःगु योगदान बिया मनोरञ्जन ख्यःया पःखाः न्हियांन्हिथं छपानिपा छपानिपाजूसां हे अप्पा तनेगु ज्या जुयाच्वंगु दु । थ्व लसता खँ खः ।
आधुनिक मनोरञ्जन ख्यः थौंकन्हे अतिकं ब्यवसायिक व प्रतिस्पर्धात्मक जुइधुंकुगु खँ सकसिन स्यूगु हे जुल । व ल्याखं नेवाः म्ये संगीत व नेवाः संकिपा ख्यः तुलनात्मक रूपं ल्यूने लानाच्वंगु खने दु । नेवाः जातिदुने दक्ष प्राविधिक, क्षमतावान कलाकार निर्देशक व हलिंमय् हे बयबय् जुइफइगु आपलं विषय वस्तु दयां न नेवाः मनोरञ्जन ख्यलं सफलता चूलाके मफयाच्वंगु नुगः मछिंसे च्वंगु अवस्था खः ।
नेवाःतय्सं हे हःपाः तिबःबियाच्वंगु मगाः धकाः हालाच्वनेगु सिबें हलिं न्यंक विकास जुया वयाच्वंगु आधुनिक मनोरञ्जन ख्यः व न्यमि व स्वकुमिपिनिगु मागयात ध्यानतयाः स्तरिय म्ये संगीतनापं नेवाः संकिपा ख्यःयात विकास यायेमागु खने दु । उकीया निम्ति नेवाः मनोरञ्जन ख्यःया सकल सर्जक कलाकर्मीपिं छपाँय् छधि जुयाः जक मगाः थःथःगु विधागत विषययाबारे दुग्यंक सयका सिइका न्हूगुन्हूगु मौलिक कला संगीतया कृति निर्माण यायेमागु थौंया आवश्यकता खः ।
नेपालभाषाया मनाेरंजन ख्यःया यथास्थीति छिं गथे खंका दिया ? न्ह्यसःया लिसः ब्युसें कलाकार सुरज व्यंजनकार
