नेपाल कल्चरल इन्टरनेशनल फिल्म फेस्टिवलया स्वंगूगु संस्करण नेपाल टुरिज्म बोर्ड भृकुति मण्डपय् तःजिक क्वचाल । ज्याझ्वलय् पेजथ्री बाःछिपौया न्ह्यब्वया चिहाः संकिपाः इन्द्रायणीं नेशनल अवार्डपाखें वुमेन विद्याय् जुरी अवार्ड पाखें सम्मानीत जुल । थुगु प्याखँया निर्देशक दर्शनवीर शाक्य खः सा प्याखँया निर्माता नरेशवीर शाक्य खः।
उकथं हे सर्वोत्कृष्ट चलचित्र निर्देशकया अवार्ड कुईनेटो प्याखँ पाखें निर्देशक माधव राज खरेलं त्याकादलसा महोत्सवय् कल्चरल फिल्म पाखें डाईङ क्याण्डल, फिचर फिल्म – कथा ७२, डकुमेन्ट्रि फिल्म – एउटा फरक कथा, वुमेन फिल्म – द कन्फ्युजन, चिल्डेन फिल्म – अ स्केयर क्रो, सर्टफिल्म – फिट द्याट टच नेशन, इन्भारोमेन्ट फिल्म – द वइन्टर ट्यापं त्याकल । अथेहे नेशनल पाखे जुरी अवार्डपाखें प्रधुम्न मिश्र धुलो पाखें, कृष्ण भण्डारी चोरखाते प्याखँ व मिरा गुरुङं सिया प्याखं पाखें विशेष सम्मान अवार्ड नं त्याकादीगु खः ।
अन्तराष्ट्रिय विधा अन्तर्गत मानवाधिकार फिल्म कुम गेसी (टर्की), फीचर फिल्म मार्केट (भारत), वृत्तचित्र फिल्म द खे सेन पीस गार्डन (भियतनाम), एनिमेशन फिल्म बडीज द्याट फाइट (चिली), वुमेन फिल्म फेमिनाईजेसन (लेबनान), चिल्ड्रेन फिल्म कर्मा (ईरान), सर्ट फिल्म द ट्यालेन्ट (रसियन फेडेरेसन), जूरी च्वाईस फिल्म मन्नू (भारत), विशेष फिल्म सेनाइ (भारत), स्पेशल मेन्सन फिल्म अन्टार्कटिकां (बुल्गारिया) त्याकल । स्पेशल मेन्सन फिल्म सरिता (नेपाल), रिकग्निशन फिल्म अर्थ इज होम (ट्यूनीसा), रिकग्निशन फिल्म फायर अफ टीक फ्लेम अफ चिनारं (भारत) नं महोत्सवय् उत्कृष्ट अवार्ड त्याकेत ताःलात।
अवार्ड ज्याझ्वःलय् कलाकार प्रेम पाण्डे, पेजेन्ट डाईरेक्टर निशकान्त झा, समता फाउन्डेशनया दिपक संजेल, पत्रकार राजन थापा लिसें मेमेपिन्त आयोजकं सम्मान याःगु खः ।
थुगु फिल्म फेस्टीभलय् ५० देशया १०७ गू प्याखँ, वृत्तचित्र एवं एनिमेशन लिसें शर्टफिल्मं ब्वतिकाःगु खः । नेपाल कल्चरल फिल्मी सेन्टरया ग्वसालय् मंसीर १५ निसें १७ गते तक्क स्वन्हुयंक ज्याझ्वः जूगु खः ।
नेपाल कल्चरल फिल्मी सेन्टरया अध्यक्ष एवं फेष्टिवलया निर्देशक सन्तोष सुवेदी जुयादी । युवा तथा खेलकुद मन्त्री माननिय महेश्वर जंग गहतराजया प्रमुख आतिथ्यताय् सम्पन्न जूगु थुगु फिल्म फेस्टीभलय् मुक्कं २५ विधाय् अवार्ड लः ल्हाःगु खः । ऋषि लामीछाने, दिनेश राउत, बिष्णु प्रसाद सुवेदी, उत्तम न्यौपाने, शितल के.सी. नेशनल जुरी व डेभिड विल्सन, बोर्जे लुम्बर्ग, योङ उ किम, विलजान टुटोरोभ, मिया माईल्जर, रादा सेसिक ईन्टरनेशनल जुरी च्वनादीगु खः ।
