संगीतया परिभाषा संकचित जुइमज्यु । तीजया लहर धकाः खस नेपाली संगीतया बिस्कं हे बजार दु । यक्वं हे कलाकारपिसं तीजय् हालातःगु छपू म्यें थःगु क्यारीयर दयेकी । तीजया म्येया धकाः हे दुर्गेश थापां छम्ह मिजं जुयाःनं थःगु लोकप्रियतायात अःपुक्क हे थकाःगु दु सा थुगु हे अवसरय् थी थी म्येया विवाद पिकयाः नं कलाकारपिं चर्चाय् वयेगु याः । थ्व हे झ्वलय् नेवाः कलाकारपिंसं नं खस नेपाली भासं तीजया म्ये पिकाःगु दु थःगु गैर नेवाः अडियन्सया निंतिं ।
स्वास्थ्यकर्मी एवं कलाकार सरीता प्रजापतिं बरि लै नांया तीजया म्ये पितहःगु दु । सरीता प्रजापतिया हे च्वसाय्, भिम विसिया संगीत अले दिपक विश्वकर्माया एरेन्ज थुकी दु ।
रोजी श्रेष्ठ नेपालभासा संगीत ख्यलं भचा तापाना च्वंगु खःसां थुगुसी धाःसा तीजया लसताय् खस नेपाली भासाया म्ये नाच्ने हे अब पिदंगु दु । थुगु म्ये रोजी श्रेष्ठ डंगोल यात शोभा पाण्डें साथ बियाच्वंगु दु सा थुगु म्ये डा. कृष्णहरी बरालया च्वसा व रामकृष्ण थापाया एरेन्ज व संगीत दुथ्यानाच्वंगु दु ।
https://www.facebook.com/mhrzn.rtn/videos/173182351613290
थुकथं हे किपूया लोकंह्वाःपिं म्येहालमि पुचः कथं रत्नशोभा, दीपा महर्जन, रानीशोभा महर्जन व स्वस्ती महर्जनया सलय् टीका चुरा .. बोलया तीज गीत धकाः पिकाःगु दु । थुगु म्ये नेपालभासा ख्यःया मेम्ह नांजाःम्ह कलाकार एवं निर्देशक सुनीता राजभण्डारी जुनुं च्वःगु खःसा संगीत एवं एरेन्ज सुरेन्द्र श्रेष्ठंया दु ।
