नेवाः न्ह्यलुवाः किरण शाक्यं नेपाल सरकारया भूमि व्यवस्था, सहकारी व्यवस्थापन व गरिवी निवारण मन्त्रालय अर्न्तगतया गुथि संस्थानया प्रशासक पदय् नियुक्त लिसें गुथि संस्थानया केन्द्रीय कार्यालय, त्रिपुरेश्वरय् पद बहाली यानादीगु दु ।
पदवहाली न्ह्यः वय्कलं भूमी व्यवस्था, सहकारी व्यवस्थापन व गरिवी निवारण मन्त्री लक्ष्मण लाल कर्णया ज्याकुथि सिंहदरवारय् सपथ ग्रहण यानादीगु खः ।
नेपाः सरकारया मन्त्री परिषदं ब्यू नियुक्तिकथं वय्कःया कार्यकाल स्वदँ धयातःगु दु ।
नवनियुक्त गुथि संस्थानया प्रशासक पदय् नियुक्त जुयादीगुलिं ईलोहं प्रकाशनपाखें भितुना लिसें सफल कार्यकालया मनंतुना ।
