वरिष्ठ म्ये हालामि एवं गोल्डेन भ्वाइस अफ नेपाल धकाः उपाघि बियातःम्ह प्रेमध्वज प्रधान ८५ बर्षय् मत्यवं मन्त । छुं दिं न्ह्यो तिनि हे वयेकः कोरोनासंक्रमित जूगु खःला धैगु आशंकाय् काठमाडौं न्यूरो तथा जनरल अस्पतालय् भर्नायात धकाः वय्क नाप सत्तिम्ह मेम्ह वरिष्ठ गायक योगेश वैद्यं ६न्हु न्ह्यः थःगु फेसबुकय् च्वयादीगु खः । तर थौंया दिनय् वय्क दिवंगत जुयादील धैगु समाचार छक्वलं सामाजिक संजालय् खनेदत ।
पारिवारिक श्रोतयाकथं वय्कः छुं ई न्ह्यः मफया हस्पिटल यंकुगु खःसां आइ सियुलय् रिकभर जुयाच्वंगु खँ नं धाःगु खः। काेभिड नं नेगेटिभ हे खनेदुगु धाःगु दु तर आकाझाकां हे थौं न्हिनय् १ः४५ता इलय् हृदयघाट जुयाः मदुगु धकाः धाःगु दु । पारिवारिक श्रोत कथं वयेकया अन्त्यष्टी नं थाैं हे जुइगु धाःसें पशुपतिइ यंकेगु तयारी यानाच्वंगु दु ।
