जीउ ज्यान प्राण सकतां देशया लागी लः ल्हाना । राष्ट्र प्रेमया भावनां जाःगु थुगु म्ये च्वयादीम्ह अमृत रत्न शाक्य खःसा थुगु पुचः म्येय् जितेन शाक्य, रविनसन कंसाकार, मंजिल शाक्य, एंजिला श्रेष्ठ, सुमन मानन्धर व अगिना तण्डुकारं हालातःगु दु । थुुगु म्ये विरेन शाक्यया संगीत लिसें संगीत संयोजनय् तयार जूगु खः।
लिसें थुगु हे लसय् खस भासं जीउ ज्यान प्राण सारा देशलाइ अर्पेर धकाः नं स्वरबद्ध यानातःगु खः । खस भासं हालातःगु थुगु म्येय् जितेन शाक्य, सदिप समर्पण राइ, दिपेन्द्र परियार, एन्जिला श्रेष्ठ, शिखा भुजेल श्रेष्ठ व सिया सेरपुजाया सः दुथ्याना च्वंगु।
थुगु म्येय् कलाकार कथं कृष्णभक्त महर्जन, सुरेन्द्र मानन्धर, रुपेन्द्र श्रेष्ठ थक्वामि व सरीता बज्राचार्यया अभिनय दु । खोकनाय् शुटिंग जूगु थुगु निपू भाय्या म्ये छन्हुं हे सिधयेकुगु खः । थुगु म्येया निर्देशन राजन शाहीं याःगु खःसा म्युजिक भिडियोया परिकल्पना दर्शनवीर शाक्यं याःगु खः अले छायाँकन मनोजरत्न शाहीं याःगु खःसा सम्पादन नं वय्कलं हे याइ । सकल म्येहाःपिं नं दुथ्याकाः थुगु म्ये छायाँकन याःगु खः ।
