ज्याझ्व न्ह्याकामि एवं थःगु हे सोलो एल्बम स्वनिगःया नेवाः पिकाये धुंकुम्ह म्ये हालामि गंगा महर्जनं नेपालसंवत ११४१या लसतयाय् खस नेपाली भाय्या म्ये न आशा भो तिम्रो न त हुनेको कुनै भर बोलया म्ये पिदन।
निर्देशनपाखे डेब्यु याःम्ह अभिनव जाेशीया कुतलय् थुगु म्येय् गंगा महर्जनया नं न्हापांगु हे खस भाय्या म्ये खः । थुगु म्ये सुष्मा कार्कि व राजीव जंग बस्नेतया अभिनय दुथ्यानाच्वंगु दुसा म्येया छायांकन व सम्पादन मनाेज रत्न शाहीं यागु खः ।
ज्याझ्वलय् नेवाः एचडीया प्रमुख नविन जोशी, लाेककवि राजभाई जकःमि, निर्देशक शोभित बस्नेत पिंसं नं नुगः खँ प्वंकुगु खः ।
म्येच्वमि बसन्त बित्यासी थापाया च्वसा व संगीतकार राजु सिंहया संगीतय् फनिन्द्र राईया संगीत संयोजन दुसा थुगु म्ये स्टूडियो पर्पलय् शरण छिनामं रेकर्डिंग याःगु खःसा सुमन खड्कां मिक्सिङ्ग यानातःगु खः।
