नेपालभासा ख्यलय् छगू न्हूगु म्येया निर्माण जूगु दु । ओ मैंचा मुसुमुसु न्हिला.. । थुगु म्ये किशोर महर्जनं हालातःगु खःसा संगीत व च्वसा अनिल महर्जनया दु। न्हूगु पहया सवाः दुगु थुगु म्ये यल्लो अर्बिट पाखें संगीत संयोजन यानातःगु दु ।
बिपिन शाही व सलुना श्रेष्ठया अभिनय दुगु थुगु म्येया निर्देशन राजन शाहीं यागु दु। राजन शाही थौं कन्हे तसकं हे व्यस्तम्ह निर्देशक जुयादीइ । छुं ईया अन्तरालय् हे छुजुल रे, मयो जितः थें जाःगु मनमोहक भिडियो दयेकेधुंकुगु खःसा आः हाकनं ओ मैंचा मुसुमुसु न्हिला म्येया सुतिंग क्वचाये धुंकुगु दु । म्येया साहयक कोरियोग्राफर रितु दर्शनधारी दु । उमिसा पाण्डें समाः यानातःगु दु ।
थुगु भिजुअलया कन्सेप्ट भचा फ्यान्टासि टाइप दु धकाः म्येया कन्सेप्ट दयेकादीम्ह दर्शनवीर शाक्यं धयादीगु दु । म्येया छायांकन व सम्पादन मनोजरत्न शाहीया दु ।
