ज्याझ्व न्ह्याकामि एवं थःगु हे सोलो एल्बम स्वनिगःया नेवाः पिकाये धुंकुम्ह म्ये हालामि गंगा महर्जनं नेपालसंवत ११४१या लसतयाय् खस नेपाली भाय्या म्ये न आशा भो तिम्रो न त हुनेको कुनै भर बोलया म्ये पितब्वज्याया तयारी यानाच्वंगु दु । म्येच्वमि बसन्त बित्यासी थापाया च्वसा व संगीतकार राजु सिंहया संगीतय् थुगु म्ये फूलपाटीका खुन्हु रेकर्डिङ्ग यायेधुंकुगु दु । थुगु हे म्येया म्यूजिक भिडियो दयेका न्हूदँया लसताय् पिथनेत्यनागु खँ गंगा महर्जनं जानकारी ब्यूगु दु । थुगु म्ये फनिन्द्र राईया संगीत संयोजन दुसा थुगु म्ये स्टूडियो पर्पलय् शरण छिनामं रेकर्डिंग याःगु खःसा सुमन खड्कां मिक्सिङ्ग यागु दु ।
