इमर्ज ब्याण्डया न्हूगु नेवाः म्ये मैंचा थौंकन्हे तसकं हे लोकंह्वानाच्वंगु दु । म्ये पिदंगु स्वला दुने हे न्यागु लखं मल्याक्क भ्यूज दयेधुंकुगु दु । न्हूगु नेवाः म्ये थुकथं लोकंह्वाइगु तसकं म्हो जक हे खः । इमर्ज ब्याण्डया थुगु म्यें नेपालभासाया संगीत जगतय् छगू न्हूगु आशा ब्वलंकुगु दु ।
इमर्ज ब्याण्डया पुचलय् थुगु म्ये अमन बज्राचार्य, रोहन शाक्य, सबिर तुलाधर व उजन शाक्य दु । थुगु म्ये उजन शाक्यं हालातःगु खःसा म्ये च्वयेगु कम्पोज यायेगु व संगीत निर्माण नं उजन शाक्यं हे यागु खः ।
थुगु म्ये सिबें न्ह्यो नं इमर्ज ब्याण्डं मेगु छपू नं नेवाः म्ये पिकाये धुंकुगु दु । थौं कन्हे नां बियातःगु थुगु म्ये नं युट्युबय् हे दु ।
इमर्ज ब्याण्डया म्ये न्यना यक्व हे न्हूगु नेवाः पुस्ता प्रभावित जूगु दु । सकस्यां थुगु म्येयात ययेकुगु दुसा नेवाः भाय् मथुपिंसं तकं थुगु म्यें छु धाःगु धकाः कमेन्ट सेक्सनय् न्यतःगु दु ।
थुगु म्ये २१००० मनुखं ययेके धुंकुगु दुसा थुकी हे टिकटक व क्याराअाेके नं पिदने धुंकुगु दु ।
