फसिक्यबया गल्ली अारति स्वीट्सय् जिवित जल्मि सदां हे पसलय् व्यस्त जुयाच्वनिम्ह खः । तर काेराेनाया कारण जिवित जल्मिया छगू न्हूगु हे रूप स्वये खनादयाच्वंगु दु । खय्तला जिवित जल्मि नेपालभासा ख्यःयाम्ह छम्ह तसकं हे लाकंह्वाःम्ह संगीत सयोजक धकाः सकस्यां हे म्हस्यु । वय्कलं संगीत संयोजन यानादीगु म्ये लिक्क वयाः जित धाल वं गननं नेवाः स्टेज प्रोगाम जुल धाःसा प्याखँ मल्हुगु दइ हे मखु ।
लकडाउन दुने जिवित जल्मिया छगू न्हूगु रूप स्वयेखंगु दु । लकडाउनया कारणं जिवित जल्मिं थःगु कम्पोज लिसें थःगु सःलय् म्ये त धमाधम पितबिया च्वंगु दु । खस भाय् व नेवाः भाय्य म्ये मद्दिक्क हे जिवित जल्मिया फेसबुकय् सुमधुर मखमलि सलय् न्यने दु । लकडाउनया कारण थःगु दिनाच्वंगु ज्या धमाधम सिधयेकाच्वनागु व थ्व हे झ्वलय् दिनाच्वंगु लिसें न्हूगु सृजनायानाच्वंगु म्ये नं जिवित जल्मिं पोष्ट यानाच्वंगु दु ।
लकडाउनया कारण जिवित जल्मिया म्ये हालेगु कला पुवंगु दु । फेसबुकय् जक हे सुशिल राजोपाध्याय, प्रकाश दिप, अनन्त बज्राचार्य, नविन चित्रकार, सत्यम महर्जन, श्याम तमोटया च्वसाय् पिदनाच्वंगु म्ये जिवित जल्मिया सुमधुर सः न्यने फइ ।
पेजथ्री लिसे खँ जूगु कथं जिवित जल्मिं थुगु लकडाउन दुने थ्यंमथ्यं ५०गू म्ये कम्पाेज यायेधुंकुगु दु ।
थ्व हे झ्वलय् जीवित जल्मिं माया रे रतन म्ये कासाय् छम्ह निर्णायक कथं नं थःगु भाला पुवंकादीगु दु ।
