न्यनेबलय् अःपू थें च्वं । सेक्स धैगु आनन्द कायेगु नितिं खः । तर धात्थें उलि अःपू धाःसा मजू । आनन्दया अनुभुतिया निंतिं दकलय् न्हापांला रिल्याक्स जुइ माल । मनय् छुं कथंया शंका उपशंका तये मजिल । मनय् ग्याःचिकु तयाच्वने मजिल । थःत गनं बन्धनय् चिनातये मजिल । पलखया निंतिं छुं कथंया कायेगु वा बिइगु धैगु भावना हे हयाच्वने मजिल ।
झीगु जीवनशैली धाय् वा झीगु संस्कारय् झीसं गुलि आनन्दया अनुभुति यायेगु वा मयायेगु धैगु खँय् सदां हे अंकुश दइ । स्वैतं आनन्दया अनुभुति याकेगु धैगु हे छगू न्ह्यइपुगु सेक्सया लकस खः । उकिं सेक्स न्ह्यः रिल्याक्स जुइगु तसकं हे महत्वपूर्ण खँ खः ।
सेक्सया दकलय् न्हापांगु उद्देश्य धैगु हे आनन्दया अनुभुति कायेगु निंतिं तयार जुइगु खः । तर थुकीया निंतिं थःगु क्षमता थःम्हं नं थुइके माः । सेक्सया दौरानय् छुं कथंया आन्तरिक पंगः वल धाःसा दकलय् न्हापां थः निं हथाय् मचाये माल । गुलि गुलि थःत नियन्त्रणय् तये फइ उलि उलि हे सेक्सय् आनन्दया अनुभूति कायेत थः तयार जुयाः च्वनिं ।
सेक्सय् आनन्दया अनुभूति कायेगु निंतिं थः नं खुल्ला किताब थें जुइ फये माः । थः पार्टनर लिसे हरेक खँय् सहज असहज परिस्थीतिया लकस थुइके धुंकाः थःगु कमजोर पक्ष छु व थःगु सबल पक्ष छु धकाः थुइके फये माः । थी थी कथंया तन्त्रया अभ्यास यायेगु इलय् थः पार्टनरयात असहज परिस्थीति ब्वलने मज्यु ।
अन्तय् थःगु भुमिकाया बारे थुइकेगु खःसा सेक्सया इलय् थः पार्टनरया पुरा समर्थन वा विश्वास थःके दुबिंकेगु खः । विश्वसां हे सेक्सया वातावरण व स्वापू क्वात्तुइगु खः । सेक्सय् न्हू न्हूगु प्रयोग यायेगु बारे थः पार्टनरं ध्यान बियाः न्यनेगु वा मानेजुइगु जुल धाःसा थः पार्टनरया विश्वास त्याकुगु दसि खः । सेक्सया न्हूगु प्रयोगया इलय् तःतःधंगु चाहना तयाच्वने मज्यु । हथाय् चाये मज्यु । बुलुहुँ न्ह्याका वने माः ।
पार्टनरया दायित्व
नुगलं नुगलय् स्वानाच्वंपि मतिनामिं थः पार्टनरया गुब्लें नं मभिं वा मछिनेमा धकः विचाः याइ मखु । सदां हे थः पार्टनरया बारे भिंगु खँ जक सोच तइ । तान्त्रिक सेक्सया इलय् थःथःगु भुमिका छु खः धैगु खँय् निम्ह सचेत व निम्ह सकारात्मक जुयाच्वने माः । सेक्सया दौरान थः पार्टनरया यौन अंगया बारे च्युता मकायेगु वा सेक्सया बारे थःगु जक सोच तयेगु धैगु तान्त्रिक सेक्सया खँ जुइ मखु । गुम्हेस्यां थः पार्टनरया स्खलन बारे च्यूता कयाच्वंगु दइ इमिसं हे स्खलनयात न्हूगु विन्दु तक यंकाच्वंगु दइ । सेक्सया बारे ग्याःचिकू दुपिं वा सेक्सया बिषयलय् खँल्हाये ग्याःपिं जुल धाःसा केवल थः पार्टनर यात स्खलित याये फयेवं हे तःधंगु ज्याखँ यानागु थें तायेकी तर यदि तान्त्रिक सेक्सा बिषयलय् खुलस्त रूपं खँ ल्हायेगु यात धाःसा स्खलनया विन्दुयात गुगु थाय् तक्क यंके फइ धैगु खँय् अभ्यास याना यंके फइ ।
सेक्सया इलय् स्खलित जुइ मफुपिं मतिनामि नं दइ । थःगु गनतब्य् तक वनेगु हथायसं याना सेक्सया आज्जु चू लाकाच्वने फइ मखु । गुम्हं याकनं हे स्खलित जुइ गुम्ह स्खलित जुइत ई काइ ।
सेक्स तसकं हे जतिल प्रकृया खः । छाय्धाःसां सेक्सया प्रकृया धैगु प्रतिकृया बिइगु लिच्व न्ह्यब्वेगु खः । थः पार्टनरं गुकथंया प्रतिकृया बिइ व हे कथं सेक्सया दौरान थःम्हं नं ज्याखँ न्ह्याकाच्वने माः । सेक्सया इलये मनय् वयाच्वनिगु न्ह्यसः धैगु हे छु जिं न्ह्याकाच्वनागु ज्याखँ पायेछि जू की मजू । आ छु यायेगु ? छु जि स्खलित जुइन ला? थज्योगु न्ह्यसः गुकथं समाधान यायेगु धैगु बिषयलय् छगू अभ्यास याना यंके माः । थुकीया निंतिं मुक्कं थः पार्टनरया संवेदनशीलताय् ध्यान बी फयेके माः ।
संकेत म्हसिकेगु अभ्यास
सेक्सया दौरान थः पार्टनरं थी थी कथंया संकेत बियाच्वंगु दइ । सेक्स धैगु छुं निश्चित रुटिनय् च्वना न्ह्याकेगु ज्याखँ मखु । सदां छगू हे कथंया संकेत बी धैगु जुुइ मखु । संकेतया माध्यम खँग्वः, सः, ल्हातुतिया हाउभाउ जुयाच्वनिं ।
सेक्सय् संकेत व स्वीकृति
सेक्सया प्रकृया जतिल । थःगु संवेदनशीलतायात नियन्त्रणय् तयाः थः पार्टनरयात संकेत थुइकाः व हे कथं न्ह्यां वने माः । सेक्सयया दौरान न्ह्यपुइ यक्व हे न्ह्यसःत वयाच्वने फु । जिं न्ह्याकाच्वनागु पाय्छि जू ला ? वा आ मेगु छु याये माली ? छु जिगु स्खलन जुइन ला ? जिगु पार्टनरया स्खलन जुइन ला? आदी इत्यादी ।
सेक्सया दौरान पिनेया वातावरण जक मखु थः दुनेया थी थी पक्षयात नं विचाः यानाच्वने माः । थुगु भुमिका थुलकी तिनि हे सेक्सया प्ुरा आनन्द काये फइ । लिसें सेक्सपाखें थः पार्टनरयात नं सन्तुष्ट याना यंके फइ । सेक्सया दौरान थज्योगु हे छुं छुं आनन्दया क्षण लुमंका व हे कथं थःगु ज्याखँ न्ह्याका यंके माः । थुकथंया आनन्दया क्षण गुकथं म्हसिकेगु धैगु निंतिं न्हापाया थें हे प्रकृयागत रूपं न्ह्यां वने माः ।
सेक्सय् संकेत व स्वीकृति
सेक्सय् स्वीकृति म्हसिकेगु व अज्योगु स्वीकृतिया संकेतया आधार धैगु अभ्यास हे जक खः । गुलि थः पार्टनरलिसे सेक्स याइ उलि हे सेक्सया संकेत व स्वीकृतियात म्हसिका यंके फइ । सेक्स निश्चित संरचना वा न्ह्याब्लें छगु हे पहया जुइ मखु । व हे कारण सेक्सया दौरान उत्पन्न जुइगु सः, खँग्वः, ल्हा वा शरीरया हाउभाउ, छुं कथंया प्रतिकृया हे ख अज्योगु संकेत खः । सेक्सया नियमित अभ्यास वा संकेत म्हसिकेगु नितिं ध्यान बिल धाःसा याकनं हे थुगु मामलाय् विज्ञ जुयाः वने फइ ।
सेक्सया संकेतयात वर्गिकरण याना सेक्सया दौरान गुलि तक प्रतिकृया वल धकाः उकियात स्केल मार्फत अंक बिइ फइ ।
गथे की
० छुं हे प्रतिकृया मवःगु
१ लिंगय् छुं कथंया कम्पन
२ छुं कथंया आनन्दया अनुभुति
३ न्ह्यइपुइगु शु्रु
४ न्ह्यइपुइगु
५ यक्व न्ह्यइपुइगु
६ दिके मास्ती मवइगु
७ सासः याकनं ल्हाइगु
८ नुगः याकनं मिनीगु
९ आनन्द
९.९ लिहां वये मफइगु स्थीति
१० स्खलन
१) निम्हं जाना नापं च्वना थुगु अभ्यास वा व्यायाम यायेगु
२) निम्ह दथुया सांकेतिक भाय् निर्धारण यायेगु । आसे, विस्तारं वा दिकी थें जाःगु ज्याखँयात संकेत मार्फत थुइकेगु वा निर्धारण याना यंकेगु । गुम्हेस्या दिकी वा आसे धकाः ल्हातं हे इशारा याइ । गुम्हेस्यां थः पार्टनरया कम्मरय् न्याक्क तिइ । गुम्हेस्यां ध्वांछ्वइ । थःत गथे छिं अथे याना न्हून्हूगु संकेत दयेका यंके फइ ।
३) थःगु अनुभवयात अंकय् १ निसें १० तक्कया मापदण्ड बिया थः पार्टनरयात जानकारी बिइगु । अले मालीबलय् थ्व हे अंकया आधारय् जक खँल्हाबँल्हा याना यंकेगु ।
४) निम्ह दथुया खँल्हाबँल्हा न्ह्याब्लें सकारात्मकतां शुरुयाना सकारात्मकतां हे अन्त याये । थुकीयात छगू फिडब्याकया रूपय् नालायंकेमा ।
५) सेक्सया दौरान खः वा मखु वा यः वा मयः या न्ह्यःलिसःया कासा थें न्ह्याके माः । छाय्धाःसां सेक्स न्ह्यः हे ताः ई तक्क खँल्हाबँल्हा यानाच्वनेगु पाय्छि जुइ मखु । थुकीं मुड अफ जुयाः वने फु ।
६) थ्व वाहेक नं छुं कथंया मेगु खँ वा समस्या वल धाःसा निम्ह दथुइ सहलह याना न्ह्याका यंके ज्यु ।
व्यायाम १ ः जितः गथे याना मतिना याये यः
निम्ह दथुइ गुलि अभ्यास वा ख्याः यायेगु अप्वइ उलि हे निम्ह दथुइ मतिना अप्वइ । ताः ई निसें नापं दुपिं नं सेक्सया दौरान निम्ह दथुइ जूगु सेक्सया लिच्वः गथे जुइ धकाः धाये फइच्वनिं मखु । सेक्सया ब्यायामया निंतिं माःगु पूर्वाधार गथे की छु अंगय् थिल धाःसा गज्योगु अनुभुति जुइ वा म्हया छु छु अंग गज्योगु तरंग जुइ धैगु पूर्व अभ्यासं सिइका कयातःगु दइ । सेक्सया निंतिं थ्व खँ सिइके हे माःगु खँ खः । निम्हेस्यां निम्ह दथुइ छु छु खँ यः मयः वा ज्यु मज्यु धैगु थुयाः वइ उलि हे निम्हेसितं फाइदा याइ ।
सेक्सया न्हापांगु व्यायाम हे थ्व खः । थः पार्टनरयात गन थिलकी गथे लिच्वः क्यनि धैगु थः अभ्यस्त जुइ माः । गुलि गुलि थः पार्टनरयात थियाः म्हसिइके फइ सेक्सया निंतिं उलि उलि हे अपुया वइ ।
थ्व हे झ्वलय् थः पार्टनरयात नं थःगु म्हया संवेदन ब्वया जानकारी बिइ माः । थ्व बिधि वा व्यायाम भचाः मछिं थें च्वंसां यक्व हथाय् चाये म्वाः । आरामं बिस्तारं न्हयाकायंकुसां ज्यु ।
व्यायाम १ ः मतिना जितः गथे याना याये यः
निम्ह दथुइ गुलि अभ्यास वा ख्याः यायेगु अप्वइ उलि हे निम्ह दथुइ मतिना अप्वइ । ताः ई निसें नापं दुपिं नं सेक्सया दौरान निम्ह दथुइ जूगु सेक्सया लिच्वः गथे जुइ धकाः धाये फइच्वनिं मखु । सेक्सया ब्यायामया निंतिं माःगु पूर्वाधार गथे की छु अंगय् थिल धाःसा गज्योगु अनुभुति जुइ वा म्हया छु छु अंग गज्योगु तरंग जुइ धैगु पूर्व अभ्यासं सिइका कयातःगु दइ । सेक्सया निंतिं थ्व खँ सिइके हे माःगु खँ खः । निम्हेस्यां निम्ह दथुइ छु छु खँ यः मयः वा ज्यु मज्यु धैगु थुयाः वइ उलि हे निम्हेसितं फाइदा याइ ।
सेक्सया न्हापांगु व्यायाम हे थ्व खः । थः पार्टनरयात गन थिलकी गथे लिच्वः क्यनि धैगु थः अभ्यस्त जुइ माः । गुलि गुलि थः पार्टनरयात थियाः म्हसिइके फइ सेक्सया निंतिं उलि उलि हे अपुया वइ ।
थ्व हे झ्वलय् थः पार्टनरयात नं थःगु म्हया संवेदन ब्वया जानकारी बिइ माः । थ्व बिधि वा व्यायाम भचाः मछिं थें च्वंसां यक्व हथाय् चाये म्वाः । आरामं बिस्तारं न्हयाकायंकुसां ज्यु ।
१) थः पार्टनरया न्ह्योने नांगाः च्वनां नं याउँगु अनुभव यायेफइगु वातावरण दयेकेगु कुतः जुइ माः ।
२) थःगु म्हय् तिजक व याउँक स्पर्श याये माः । तर थःगु यौन अंगय् थिइत हथाय् चाये मज्य्ु । न्हापां सामान्य कथं म्हय् पुवंक थिया स्वयेगु ।
३) थःगु बज्रय् थःम्हं नं थियाः क्यनेगु । गथे याना थिल धाःसा थःत यः अले गथे याना थिल धाःसा थःत मयः वा गथे याना ज्वनेगु धकाः क्यनेगु ।
४) थः पार्टनरं छु स्वयाच्वंगु खः उकियात थुइक थःम्हं नं न्ववाना वर्णन याना बिइ माः ।
५) थःत गन स्पर्श यात धाःसा न्ह्यइपु धैगु १ निसें १० तक्कया स्केल निर्धारण याना थःगु आनन्दया लेभल कनेगु।
६) थः पार्टनरयात नं थुगु हे एक्सरसाइज याना क्यनेत धायेगु ।
७) थुगु व्यायाम पाखें स्खलनया विन्दु तक्क वनां हाकनं लिहांवयेगु । थथे याना स्वकः तक्क थुगु व्यायाम यायेगु । निम्ह नापं वा पालंपाः याःसां ज्यु ।
थुुगु व्यायाम याकःचा यायेगु सिबें निम्हं नापं च्वना यायेगु हे न्ह्यइपुइ । थःत गन स्पर्श याःसा न्ह्यइपुइ धैगु व्यायाम खः थ्व ।
