सेक्सया निंतिं अभ्यास आवश्यक जू । अभ्यास धैगु अथे हे खः गथे मनूत जीम वनां थःगु म्हगःयात सुगठीत याइ । सेक्स धैगु अःपूगु खँ मखु । थुकीयात नं ई बिइ माः । थःगु सेक्स जीवनयात सुथां लाकेगु खःसा सेक्सया अभ्यास आवश्यक जू । न्याला खुला तक्क हे थुगु अभ्यास याये आवश्यक जू । हाकनं अभ्यास शुरु याये सातकं हे छुं कथंया लिच्व वइ धकाः धाये फइ मखु ।
अभ्यासया निंतिं दकलय् आवश्यक धैगु धैर्यता खः । अभ्यास सुरु यायेतुं हे लिच्वः वइ धकाः विचाः मयाःसां ज्यु । अभ्यासया इलय् हे छुं कथंया ह्युपा वइगु स्वभाविक हे खः । थज्योगु ह्यूपालं छुं नं छुं याकनं हे जुइ थें च्वनिं । तर थज्योगु विचारं झन हे जक निराशा ब्वलंकी । आशांद्याकी । उकीं शान्त जुइ सयेके माः। धैर्य जुइ सयेके माः ।
सेक्सया शुरुवातया निंतिं तान्त्रिक विधि छ्यलेमाः । थुकीया अर्थ खः रिल्याक्स जुइगु । चिचिधंगु खँय् आनन्द कायेगु । न्हून्हूगु खँय् दुहांवनेगु । छुं कथं हथाय् मचायेगु । छुं नं जवर्जस्ती मयायेगु । छुं खँ थःम्हं धैथे मजूल धाःसां उकी दिक्क मचासे च्वनेगु जुइ । थज्योगु खँ न्येनेगु मात्रं हे संभव दइला थें जुइ तर खँ धाःसा त्वाथः थें छत्वाथः छत्वाथः याना थहांवने माः । लिसें छुं नं कथंया तनावय् च्वने मज्यु । तनावया खँ फुक्कं हे त्वता सेक्सया निंतिं तयार जुइ माः ।
अभ्यासया निंतिं दक्लय् न्हापां आवश्यक धैगु हे तनाव मदुगु वातावरण खः । छुं कथंया प्राइभेसिइ पंगः मवइगु जुइमाः । छुं कथंया वातावरणय् खलल वनीगु कथंया जुइ मज्यु । सेक्सया निंतिं वातावरण अथवा क्वथा सफा जुइमा । मिखा आनन्द वयेमाः । अन छुं कथंया संगीतया थ्वइगु व्यवस्था जुइमाः । थःगु यःगु संगीत अन थ्वयाच्वने माः । छुं कथंया आध्यात्मिक वा रिल्याक्स जुइगु संगीत युट्युबय् गाक्कं दु ।
अभ्यासया निंतिं न्हिं न्हिं हे छगू ई मिलेयाये आवश्यक जू । हाकनं न्हिं न्हिं छगू हे इलय् व्यायाम यायेमाः याये मफूतकी छु यायेगु धकाः हाकनं तनाव ब्वलनाच्वने फु । थथे तनाव ब्वलंकेगु पाय्छि मखु । छायेकी सेक्सया निंतिं झी तनाव मुक्त जुइ सयेकेत थुगु व्यायाम याये त्यनागु खः । बरु गुलि फु उलि वाःलय् लाक्क व्यायाम याःसां ज्यु । तनावय् च्वने मज्यु ।
थुगु व्यायामया छगू आज्जु धैगु हे इन्जोय यायेगु खः। इन्जोय याये सयेकेगु खः । थुगु वातावरण व आज्जु थुइके तसकं हे आवश्यक जू ।
हथाय् मचायेगु
सेक्सया व्यायामया दकलय् न्हापांगु मन्त्र धैगु हे हथाय् मचायेगु खः । थ्व छुं कथंया व्यायाम हे मखुथें तायेफु तर थुगु व्यायाम जक छुं ईया निंतिं अभयास यात धाःसा नं विचाः मयाःगु कथंया ह्युपाः सेक्स जीवनय् वइ । थुगु व्यायामं वा ज्याखँ छुं कथंया लिच्व तुरुन्त हे वइ धकाः बिचाः याये मज्य छाय् धाःसा गुलि यक्व विचाः याइ उलि हे याकनं आशांद्यानाच्वनिं । उकिं सेक्सया न्हापांगु मन्त्र कथं धैर्य ब्वलंके ।
तान्त्र व सेक्सय् थी थी चरण दु । तर गुगु चरण न्हापा वा लिपा धैगु छुुं निश्चित नियम धाःसा मदु । थुगु कथंया नियमयात कःघायेगु खःसा दकलय् न्हापां सामान्य वा बःचा हाकःगु अभ्यासय् निं ध्यान बी माः । लिसें गुलिं व्यायाम चरम बिन्दुइ वनेगु अभ्यास दइसा थुगु अभ्यास याये न्ह्यः नं रिल्याक्स जुइगु अभ्यास निं यायेगु आवश्यक जू ।
तन्त्रया प्रभाव
सेक्सयात तन्त्रया मिखां स्वयेगु आवश्यक जू । छाय्धाःसां तन शरीर छ्यला यायेगु ज्याखँयात हे तन्त्र धाइ । सेक्सय् तन छ्यलिइ । थुकीया अर्थ खः हरेक इलय रिल्याक्स जुइगु, हरेक न्हूगु खँयात स्वीकार याना यंकेगु । छुं कथं हथाये मचायेगु, छुं नं जबर्जस्ती मयायेगु तर हरेक खँ चरणवद्ध रूपं न्ह्यां वनेगु ।
सेक्सयानितिं अभ्यासया निंतिं छगू तनाव मुक्त जूगु वातावरण दयेके फयेमाः । छगू कथंया प्राइभेसि दयेमाःसा गनं सुनानं डिस्टर्ब याइला धैगु ग्याचिकू दयाच्वने मज्यु । थःगु कोेठा नं तसकं हे सफा जुइमा । फोहर जुयाच्वने मज्यु । सेक्सया इलय् छुं कथं उद्देश्य तयाच्वने मज्यु । जिं थुलि मिनेट सेक्स याये वा जिं थुबलय् तिनि स्खलन याये धैगु जुइ मज्यु । थज्योगु प्रसरं यानां सेक्सया इलय् याकनं हे मचायेकं हे स्खलन पाखे वनाच्वंगु दु । थुगु बिषय्लय् न्हापा नं यक्व हे खँ जुइधुंकुगु दु । उकिं सेक्सया इलय् मानसिक तनाव म्हो याना यंकेमाः । सेक्सया निंतिं तयार याःगु क्वथाय् संगीतया नं उतिकं हे महत्व दु । सेक्सया सामान्य अर्थ धैगु हे आनन्द खः ।
स्खलन यायेगु कि मयायेगु
सेक्सया गनतब्य कथं आ स्खलन यायेगु की मयायेगु धैगु जुइ माः । तर थुकीया लँपु धाःसा आनन्द व रिल्याक्स जुइ माः । स्खलन जुइवं हे सेक्सया अन्त जुइ धैगु जुइ मखु । उकिं सेक्सया निंतिं अभ्यास यायेगु झ्वलय् एकल सेक्सया सेसन आवश्यक जू । थः थःम्हं थियाः थःगु लिंगया उच्च विन्दुइ थ्यंका स्खलनया विन्दु वइ । थ्यु थ्युं हे लिंग विस्फोट जुइगु ई थें वइ तर हरेक सेक्सय् स्खलन जुइ धैगु मदु ।
टाओइस्ट ग्रन्थय् झीगु म्हय् गुलि इलय् गुलि स्खलन जुइ धैगु छगू धलः हे तयार याना तःगु दु । गथेकी
बर्ष स्खलन
३० छन्हुइ छक्व
४० स्वन्हुइ छक्व
५० न्यान्हुइ छक्व
६० झिन्हुइ छक्व
७० स्वीन्हुइ छक्व ।
