येँ महानगरपालिकाया मेयर विद्यासुन्दर शाक्ययात कोरोना संक्रमण खने दत । निन्हु न्ह्य वय्कलं स्वाब परिक्षण यानादीगु खःसा थाैं सोमबार वःगु लिच्वःकथं वय्कया स्वाबय् काेरोना संक्रमण दु धकाः रिपाेर्ट वःगु खः।
मेयर शाक्यया सचिवालयया कथं वय्कया जहानयात म्हं मफयेवं निम्ह तिपूलिं हे स्वाब परिक्षण याकुगु खः । स्वाब परिक्षणया लिच्वलय् धाःसा वय्कया जहानयात कोरोना संक्रमण नेगेटीभ क्यंगु तर मेयर विद्यासुन्दर शाक्यया स्वाब धाःसा पाेजिटिभ क्यंगु खः।
मेयर विद्यासुन्दर शाक्ययात अा थथें कोरोनाया लक्षण धाःसा खनेमदुनी । सावधानीयानिंतिं वय्क अा होम आइसोलेसनय् दी ।
